მოძრაობა "თავისუფალი საქართველოს" ინფორმაციით, დევნილთა კომპაქტური ჩასახლების 45 ცენტრიდან იძულებით გადაადგილებული პირების გამოსახლება იგეგმება.
როგორც მოძრაობის ლიდერმა კახა კუკავამ დღეს გამართულ პრესკონფერენციაზე განაცხადა, შესაბამისი გამაფრთხილებები წერილები დასახლებებში უკვე დარიგდა.
"მათ უკვე მიიღეს გაფრთხილება, რომ 10 დღის ვადაში მათი დაკავებული შენობებიდან გამოსახლება იგეგმება", - განმარტა კუკავამ.
პარტიის წევრები აღნიშნულს აპროტესტებენ და პოლიტიკურ პარტიებსა და დიპლომატიურ კორპუსს მიმართავენ, რათა დევნილთა უფლებების მონიტორინგის საკითხებში დროულად ჩაერთონ.
შეგახსენებთ, რომ დევნილების იმ ნაწილს, რომლებსაც თბილისში საცხოვრებელი ფართი დაკანონებული არ აქვთ, ალტერნატიულ საცხოვრებელს შესთავაზებენ.