თბილისის მერი გიგი უგულავა დედაქალაქში ვიზიტით მყოფ თურქული და საერთაშორისო ბრენდების წარმომადგენლებს შეხვდა.
"დარწმუნებული ვარ, ერთობლივი პარტნიორობით შევქმნით საუკეთესო მოდელს, რომელიც თბილისელებისთვის და არა მარტო თბილისელებისთვის ერთ-ერთი ყველაზე კარგი გართობის, ვაჭრობისა და თავშეყრის ადგილი იქნება", - განაცხადა უგულავამ მათთან შეხვედრაზე.
შეგახსენებთ, რომ საქართველოს ბიზნესმენთა 60-კაციანი დელეგაცია სტუმრობს, რომლებსაც ახალ, საერთაშორისო სტანდარტების სავაჭრო ცენტრში "ფორუმ აფთაუნ თბილისი" საკუთარი ბრენდების მაღაზიების გახსნა სურთ.
უკვე გადაწყვეტილია, რომ "ფორუმ აფთაუნ თბილისი" 2011 წლის მეორე ნახევარში გაიხსნება და მასში ათობით საერთაშორისო ბრენდის მაღაზია განთავსდება.
"ფორუმ აფთაუნ თბილისი" საქართველოში საერთაშორისო სტანდარტების შესაბამისი პირველი, ამიერკავკასიაში კი ყველაზე მასშტაბური ცენტრი იქნება.