მესტიაში ზვავში მოყოლილი მთასვლელის სამძებრო სამუშაოები ამ დროისთვის შეჩერებულია.
მიზეზი უამინდობა და ძლიერი თოვლია, რის გამოც შინაგან საქმეთა სამინისტროს მიერ თბილისიდან გაგზავნილი მაშველთა ჯგუფი ადგილზე ჩასვლას ვერ ახერხებს.
კარლო ხერგიანის ძებნა დღეს დილიდან სოფელ მულახის მოსახლეობამ ადგილობრივი ძალებით განაახლა, თუმცა უშედეგოდ.
შეგახსენებთ, რომ ადგილობრივი მთასვლელები გიორგი ნავერიანი და კარლო ხერგიანი თეთრნულდის მწერვალზე აპირებდნენ ასვლას, თუმცა ისინი მთიდან წამოსულმა ზვავმა მოიყოლა. ნავერიანმა თოვლს თავი დააღწია და საკუთარ სოფელ მულახში ჩასვლა მოახერხა, მის მეგობარს კი ამ დრომდე ეძებენ.