თბილისი-სენაკის ავტომაგისტრალზე, ოკამის მონაკვეთზე ბენზინგადამზიდ მანქანას ცეცხლი გაუჩნდა.
მიზეზი ავტომანქანის ტექნიკური გაუმართაობა იყო. დაშავებულია მძღოლი. მას ქვედა კიდურების დამწვრობა აქვს.
ადგილზე კასპის სახანძრო სამსახურის სამი ეკიპაჟი მუშაობდა. მეხანძრეები ცეცხლს ერთი საათის განმავლობაში აქრობდნენ.
აღნიშნულის გამო თბილისი-სენაკის ავტომაგისტრალზე მოძრაობა ორი საათის განმავლობაში შეფერხებული იყო.
