ფინანსთა მინისტრი კახა ბაინდურაშვილი ქვეყანაში მინიმარკეტების შესაძლო გაუქმების შესახებ გავრცელებულ ინფორმაციას "საახალწლო ხუმრობად" მიიჩნევს.
"ეს საახალწლო ხუმრობაა თუ რას მეკითხებით? ასეთი არაფერი გამიგია"- ასე უპასუხა ბაინდურაშვილმა აღნიშნულთან დაკავშირებით ჟურნალისტების შეკითხვას.
შეგახსენებთ, რომ გავრცელებული ინფორმაციით, ქვეყნის მაშტაბით წვრილი მარკეტების გაუქმება იგეგმება და ბაზარზე მხოლოდ მსხილი მოთამაშეები დარჩებიან. გავრცელებული ინფორმაციითვე, მინიმარკეტების ლიკვიდაცია იქამდე მოხდება, ვიდრე მაღაზიებში ახალი, GPAR -ის სისტემის სალარო აპარატები დაინერგება.
შეგახსენებთ იმასაც, რომ GPAR -ის სისტემის სალარო აპარატები მომავალი წლის ბოლომდე დაინერგება. შემოსავლების სამსახურის უფროსის გიორგი ცხაკაიას განცხადებით, ახალი სალარო აპარატები ქვეყანაში რეგისტრირებულ ყველა ინდმეწარმეს შემოსავლების სამსახურისგან უფასოდ გადაეცემა, თუმცა კონკრეტულად რა ოდენობის თანხაა აღნიშნულთან დაკავშირებით ბიუჯეტში გაწერილი, ამ ეტაპზე არ სახელდება.'