დასუფთავების მოსაკრებლის ზედა ზღავრი აღარ გაუქმდება.
როგორც იურიდიულ საქმეთა კომიტეტის თავმჯდომარემ პავლე კუბლაშვილმა განმარტა, კანონპროექტში გარკევული ცვლილებები შევიდა და საკანონმდებლო ინიციატივას ახლა რედაქციით 15 დეკემბერს პარლამენტის რიგგარეშე სესიაზე მეორე მოსმენით წარმოადგენენ.
‘'კანონით დადგინდება მოსაკრებლის ზედა ზღვარი და მის ფარგლებში შეუძლია მიიღოს საკრებულომ გადაწყვეტილება რამდენი უნდა იყოს დასუფთავების მოსაკრებელი. ამის გათვალისწინებით მეორე მოსმენაზე მთავრობის მხრიდან დაფიქსირდება რამდენით განისაზღვრება დასუფთავების მოსაკრებელზე ზედა ზღვარი'', - აღნიშნა კუბლაშვილმა.
შეგახსენებთ, რომ "ადგილობრივი მოსაკრებლის შესახებ" საქართველოს კანონში ცვლილების თავდაპირველი ვარიანტის თანახმად დასუფთავების მოსაკრებლის ზედა ზღვარი უქმდებოდა და თვითმართველ ორგანოებს შესაძლებლობა ეძლეოდა დასუფთავების მოსაკრებელი გაეზარდათ.
აღნიშნული გადაწვეტილება 10 დეკემბრის პლენარულ სხდომაზე ოპოზიციონერმა დეპიტატმა გია ცაგრეიშვილმა გააპროტესტა და დასძინა, რომ კანონპროექტი კონსტიტუციასთან შეუსაბამობაში მოდიოდა.
აღნიშული გამოსვლის შემდეგ უმრაველოსბა შეთანხმდა, რომ დასუფთავების მოსაკრებელის ზედა ზღვარი არ გაუქმდებოდა და ამის მაგივრად კონკრეტული ციფრები გაიწერებოდა კანონპროექტში.
ამჟამად მოქმედი ნორმის მიხედვით, კი დასახლებული ტერიტორიის დასუფთავებისათვის შემოღებული მოსაკრებელის ოდენობა არ უნდა აღემატებოდეს ამ მომსახურეობის ორგანიზებისა და ადმინისტრირებისათვის საჭირო ხარჯებს.