"ქრისტიან-დემოკრატები" მთავრობას მეწარმეების მიმართ უფრო მეტი ლმობიერების გამოჩენას ურჩევენ.
ამის შესახებ "ქრისტიან-დემოკრატების" ლიდერმა გიორგი თარგამაძემ დღეს საპარლამენტო უმრავლესობისა და უმცირესობის წევრებთან ფინანსთა მინისტრის კახა ბაინდურაშვილთან შეხვედრის დასრულების შემდეგ განაცხადა.
"თუ ბიზნესმა მართლაც ისწავლა საგადასახადოსთან ურთიერთობა და გადასახადების გადახდა, მაშინ მოდით ვიყოთ სულგრძელები და საშუალება მივცეთ, რათა იმავე ბიზნესს გაუჩნდეს საშუალება ხელმეორედ აქტივობის გაგრძელების", - აღნიშნა თარგამაძემ.
ამასთან, უმცირესობის ლიდერის შეფასებით, ხელისუფლებამ უფრო მეტალ ლმობიერება უნდა გამოიჩინოს იმ ადამიანების მიმართ, რომელებიც უკვე დაისაჯნენ, რომელთაც მაღალი საურავები აქვს დარიცხული და რომელთა მიმართაც სასამრთლომ მკაცრი განაჩენი გამოუტანა.
"ჩვენ შევთავაზეთ, რომ ყველა ეს საქმე გადაიხედოს, რაც ნამდვილად იქნება ახალი ეკონომიკური კურსი და მიდგომა. თუმცა ჩვენს ინიციატივაზე მთავრობისგან პოზიტიური პასუხები ჯერ ვერ მოვისმინეთ, მაგრამ იმედი გავქვს, რომ ამაზე დაფიქრდებიან", - აღნიშნა თარგამაძემ.
შეგახსენებთ, რომ საპარლამენტო უმრავლესობას და უმცირესობას ფინანსთა მინისტრი საგადასახადო კოდექსში ცვლილებებს და ახლა ეკონომიკურ კურსი გააცნო.