სარფის ახალი საბაჟო-გამშვები პუნქტი 26 მაისს გაიხსნება.
ამის შესახებ ფინანსთა მინისტრმა კახა ბაინდურაშვილმა საპარლამენტო უმრავლესობის და უმცირესობის წევრებთან შეხვედრის დროს აღნიშნა.
მისი თქმით, სარფში ფაქტიურად ახალი საბაჟო პუნქტი შენდება, რომელიც ერთის მხრივ გათვლილია სატვირთო ავტომანქანების სწრაფ გაშვებაზე და მეორეს მხრივ ტურისტების მაქსიმალურად კომფორტულ მომსახურებაზე.
შეგახსენებთ, რომ პროექტის მიხედვით საბაჟო გამშვები პუნქტი გაფართოვდება და ის თანამედროვე უახლესი სტანდარტების შესაბამისი გახდება. იმავდროულად საბაჟო პროცედურები უფრო გამარტივდება და გადამზიდველებს თუ ტურისტებს უკეთესად მოემსახურება.
სარფის საბაჟოს მოდერნიზაცია 24 საათიან რეჟიმში მიმდინარეობს. ტურისტებისათვის დაბრკოლებების თავიდან აცილების მიზნით ცარიელი ტრაილერები მხოლოდ ღამის საათებში გადაკვეთენ სასაზღვრო კარს.
