დევნილებისთვის სახელმწიფოს მიერ გადაცემული ქონების რეალიზაცია გამარტივდა. პარლამენტმა შესაბამისი საკანონმდებლო წინადადება დღევანდელ პლენარულ სხდომაზე მესამე მოსმენით დაამტკიცა.
მიღებული გადაწყვეტილებით, იძულებით გადაადგილებულ პირთათვის, დევნილთათვის, სახელმწიფოს მიერ გადაცემული ქონების თავდაპირველი რეალიზაციის შედეგად მიღებული ღირებულება საშემოსავლო და ქონების გადასახადისგან გათავისუფლდება.
აღნიშნული კანონპროექტის ინიციატორი საქართველოს მთავრობა იყო.
