საქართველოს ბანკი ენერგო ეფექტურობის სესხების გაცემას იწყებს, როგორც ფიზიკურ ასევე იურიდიულ პირებზე.
ენერგო ეფექტურობის სესხი გაიცემა ევროპის რეკონსტრუქციისა და განვითარების ბანკის მიერ დაფინანსებული ენერგო ეფექტურობის პროგრამის ფარგლებში, რომელსაც ევროპის რეკონსტრუქციისა და განვითარების ბანკი ჯამში 35 მილიონი დოლარით აფინანსებს.
ენერგო კრედიტისათვის ასქართველოს ბანკმა კი ევრობანკისგან 10 მილიონი დოლარის მოცულობის საკრედიტო ხაზი მიიღო.
საქართველოს ბანკის წარმომადგენლის არჩილ გაჩეჩილაძის განმარტებით, ენერგო კრედიტი ეხმარება როგორც ფიზიკურ ასევე იურიდიულ პირებს გამოიყენონ და მოიხმარონ ენერგიის დამზოგველი თანამედროვე გადაწყვეტილებები და ამით მნიშვნელოვნად შეამცირონ ენერგიის მოხმარების ხარჯი. სწორედ ამ მიმართულებით ასქართველოს ბანკი სესხების ხელსაყრელი პირობებით გაცემას იწყებს.
"კომპანიებს ენერგო კრედიტი დაეხმარება დაზოგონ ენერგია მათ წარმოებაში. იმავე დანახარჯებით მეტი პროდუქცია აწარმოონ და ბაზარზე მათი ბიზნესის კონკურენტუნარიანობა გაზარდოს. ენერგო კრედიტით სარგებლობისას სესხზე ხელსაყრელი პირობების გარდა კომპანიებს შესაძლებლობა აქვთ სრულიად უსასყიდლოდ ჩაატარონ ენერგო აუდიტი და საერთაშორისო კვალიფიციური ექსპერტებს კონსულტაცია მიიღონ. აღნიშული სესხის საპროცენტო განაკვეთი წლიურად 10 პროცენტით განისაზღვრება, ხოლო სესხის მოცულობა 2,5 მილიონ დოლარამდეა. ხოლო სესხის ვადიანობა 12-დან 60 თვემდე" - განაცხადა არჩილ გაჩეჩილაძემ.
კომპანიებს ენერგო კრედიტის მიღება შეუძლიათ შემდეგი მიზნობრიობით: ბოილერების რეაბილიტაცია გამოცვლა; ახალი და კომბინირებული გამაგრილებლების დამონტაჟება; ენერგიის მართვის დისტრიბუციის დაზოგვისა და აღრიცხვის სისტემების რეაბილიტაცია დამონტაჟება; ორთქლის განაწილების სისტემების რეაბილიტაცია; თბოენერგიის ხელახალი გამოყენება; სითბოს ან ელექტროენერგიის გენერატორებისთვის ბიომასისა და მზის ენერგიის გამოყენებადი სისტემების მონტაჟი; ქარის ელექტრომეურნეობის შექმნა; მცირე ჰიდროელექტროსადგურების რეაბილიტაცია; გაზისა და დიზელის ძრავების ამოყენებით დანადგარების შეძენა ან არსებულის რეაბილიტაცია; გეოთერმული გათბობის ტუმბოების დამონტაჟება რეაბილიტაცია.
ფიზიკურ პირებს კი შეუძლიათ საქართველოს ბანკის ენერგო კრედიტით ისარგებლონ სახლის გასათბობად თუ საყოფაცხოვრებო პირ0ობების გასაუმჯობესებლად. ენერგო კრედიტი მომხმარებელს დაეხმარება შეიძინონ ისეთი პროდუქტები, რომლებიც მნიშვნელოვნად გააუმჯობესებს საცხოვრებელ პირობებს და სამომავლოდ ყველანაირ ენერგო ხარჯს შეუმცირებს.
მომხმარებელს შეუძლია შეიძინოს: ენერგოეფექტური ფანჯრები ორმაგი შემინვით; შენობის გაუმჯობესებული თბოიზოლაცია - კედლების, იატაკის, სახურავების; ბოილერები და კონდენსატორული ბოილერები; განახლებადი ენერგიის მოწყობილობები - მზის თერმული სისტემები, მაღალი ეფექტურობის ბიომასის ღუმელები, ბიოდაიჯესტები საოჯახო მეურნეობისთვის და სხვა.
სამომხმარებლო სესხი გაიცემა ხელსაყრელი პირობებით საპროცენტო განაკვეთით 14 პროცენტიდან. ასქართველოს ბანკის ინფორმაციით, მსესხებელს ეძლევა უნიკალური შესაძლებლობა რომ სესხის ძირითადი თანხის 15 პროცენტი უკან დაიბრუნოს, რადგან ხსენებული 15 პროცენტი წარმოადგენს სუბსიდიას, რომელსაც კომპანია ბი-პი და მისი ნავთობისა და გაზის პარტნიორი კომპანიები აფინანსებენ. სუბსიდიის მიღება შესაძლებელია სესხის დამტკიცებიდან არაუგვიანეს 4 თვეში.
ენერგო კრედიტის მისაღებად საკმარისია მომხმარებელმა ენერგოეფექტურობის პროგრამის ფარგლებში შერჩეული მომწოდებლისგან აირჩიოს სასურველი პროდუქტი და წამოიღოს ინვოისი, რომელსაც ბანკში წარადგენს.
ინვოისის ბანკში წარდგენისთანავე შეავსებს მარტივ განაცხადს. სესხით სარგებლობა შეიძლება როგორც ლარში (ვადით 36 თვემდე) ასევე დოლარში (ვადით 120 თვემდე). სესხის თანხა 50 ათას ლარამდეა, ხოლო თანამონაწილეობა არ მოითხოვება.