ელექტრომაგნიტურ თავსებადობასა და ხელშეშლებზე დაკვირვების სამსახურმა" მახათას მთაზე რადიოტექნიკური დანიშნულების ანძის მშენებლობა დაასრულა.
ანძის ექსპლუატაციაში გაშვება 2011 წლის იანვრიდან იგეგმება და მისი დაფარვის ზონა თბილისის მასშტაბით 80%-ზე მეტი იქნება, რაც თავისთავად იმოქმედებს სამსახურის შემოსავლების და შესაბამისად სახელმწიფო შენატანების ზრდაზე.
აღნიშნული ანძა კომპანიის თანამშრომლებს საშუალებას მისცემს შესთავაზოს სხვადასხვა ორგანიზაციებს კომპლექსური მომსახურება, მათთვის სიხშირეეების გამოყოფის ორგანიზება, რადიოაპარატურის შერჩევის, უზრუნველყოფის, ანძაზე განთავსების, მონტაჟისა და რადიოკავშირის ქსელის საბოლოო გაწყობა-გაშვების სამუშაოების ჩატარება. რაც საწარმოს არსებული აბონენტების შენარჩუნებასა და ახალი ორგანიზაციების მოზიდვაში დაეხმარება.
შპს "ელექტრომაგნიტურ თავსებადობასა და ხელშეშლებზე დაკვირვების სამსახური" კომუნიკაციების სფეროში 1994 წლიდან ფუნქციონირებს და ითვალისწინებს აბონენტი ორგანიზაციების მომსახურებას ხელშეკრულებების საფუძველზე, რაც გულისხმობს მათთვის მინიჭებული სიხშირეების გარე ხელშეშლებისგან დაცვის და რედიოელექტრონული საშუალებების ელექტრომაგნიტური თავსებადობის უზრუნველყოფის სამუშაოებს. აღნიშნული სამსახურის სერვისით სარგებლობენ ისეთი კომპანიები როგორებიცაა: შპს "საქართველოს რკინიგზა", შემოსავლების სამსახური, ერთიანი სატრანსპორტო ადმინისტრაცია, თბილისის სატრანსპორტო კომპანია (მეტროპოლიტენი) და სხვა.