"პრაქტიკულად მთლიანად დასრულდა ძირითადი ინფრასტრუქტურის რეაბილიტაცია. ახალი კოდექსი მივიღეთ და ძალაში შედის პირველი იანვრიდან. საბაჟო კოდექსი საერთოდ გაუქმდა", _ განაცხადა საქართველოს პრეზიდენტმა მიხეილ სააკაშვილმა ლილოში გაფორმების ეკონომიკური ზონის გახსნისას.
მისი თქმით, ამჟამად მიმდინარეობს ახალი კადრების ტრენინგი და არსებულების გადამზადება.
"ეს სამი კომპონენტი - განახლებული ინფრასტრუქტურა, ახალი კანონმდებლობა და ახალი განათლებით აღჭურვილი კადრები თავს მოიყრის ახალ ეკონომიკურ ზონაში და ეს მნიშვნელოვნად გააუმჯობესებს ბიზნესგარემოს", _ განაცხადა სააკაშვილმა და დასძინა, რომ ყოველივე ეს შესძენს მეწარმეებს მეტ თავდაჯერებულობას, შექმნის სამართლიან პირობებს და უზრუნველყოფს უფრო ჩქარ სვლას მდიდარი და დასაქმებული საქართველოსკენ".
