დასუფთავების მოსაკრებლის ზედა ზღვარი უქმდება და თვითმართველ ორგანოებს შესაძლებლობა მიეცემათ გაზარდონ დასუფთავების მოსაკრებელი. შესაბამისი გადაწყვეტილება მიღებული იქნება საქართველოს პარლამენტის მიერ "ადგილობრივი მოსაკრებლის შესახებ" საქართველოს კანონში ცვლილებების განხორციელების შემდეგ.
კანონპროექტის ავტორები მიიჩნევენ, რომ დასახლებული ტერიტორიების დასუფთავებისათვის მოსაკრებლის ზედა ზღვრის სამართლებრივი საჭიროება და აუცილებლობა, არ არსებობს.
ამჟამად მოქმედი ნორმის მიხედვით, დასახლებული ტერიტორიის დასუფთავებისათვის შემოღებული მოსაკრებელის ოდენობა არ უნდა აღემატებოდეს ამ მომსახურეობის ორგანიზებისა და ადმინისტრირებისათვის საჭირო ხარჯებს.
აღნიშნულის გაუქმებითა და განსახორციელებელი ცვლილების საფუძველზე თვითმართველ ორგანოებს შესაძლებლობა მიეცემათ გაზარდონ დასუფთავების მოსაკრებელი და აღნიშნული სახსრები გამოიყენონ ნაგავსაყრელების მოწყობის საყოფაცხოვრებო ნარჩენების შეგროვებისა და უტილიზაციისათვის, რომელიც როგორც კანონპროექტის განმარტებით ბარათშია აღნიშნული, დაკავშირებულია საკმაოდ დიდი ფინანსურ დანახარჯებთან. K
კანონპროექტის ავტორები მიიჩნევენ, რომ ზედა ზღვრის მოშლით თვითმართველობის ერთეულებს შესაძლებლობა მიეცემათ დაადგინონ ადეკვატური მოსაკრებელი.