მესტიაში აეროპორტის მშენებლობა დასრულდა, რომელიც პირველი მგზავრის მიღებას 20 დეკემბრიდან შეძლებს. აეროპორტის ასაფრენ-დასაფრენი ბილიკის მშენებლობა უკვე დასრულებულია და აეროპორტი ავიარეისების მიღებას 20 დეკემბრიდან დაიწყებს.
აეროპორტი თვითმფრინავების მიღებას დროის ნებისმიერ მონაკვეთში შეძლებს, ზამთარში კლიმატური პირობების გამო თვითმფრინავს დაჯდომა რომ არ გაუჭირდეს, ბორბლების ნაცვლად პროპერელები დაუმაგრდება.
ზამთრის პერიოდში მესტიის აეროპორტი 18 ადამიანის ტევადობის თვითმფრინავების მიღებას შეძლებს, ხოლო ზაფხულის პერიოდში აეროპორტს 50 ადამიანის ტევადობის თვითმფრინავის მიღება შეეძლება.
მესტიაში ახალი აეროპორტის მშენებლობა 3 თვის წინ დაიწყო და დღეისთვის უკვე სამუშაოს უდიდესი ნაწილი შესრულებულია - თითქმის დასრულებულია აეროპორტის შენობა და 1120-მეტრიანი ასაფრენი ბილიკი.
მესტიის აეროპორტი ზღვის დონიდან 1400 მეტრ სიმაღლეზე მდებარეობს, მშენებლობის პროექტზე რამდენიმე ქართული კომპანია მუშაობს და დასაქმებულია 300-მდე ადამიანი. აეროპორტი საათში ერთი თვითმფრინავის მიღებას შეძლებს.
ამასთან, მესტიაში ნოემბრის ბოლოსთვის ამუშავდება ტურიზმის საინფორმაციო ცენტრი, რომლის სარემონტო სამუშაოებიც თითქმის დასრულებულია. ტურიზმის საინფორმაციო ცენტრი მესტიაში ჩასულ ტურისტებს რამდენიმე მიმართულებით მოემსახურება - გარდა საჭირო ინფორმაციის მიწოდებისა, ცენტრი მათ მარშრუტების შერჩევასა და დაგეგმვაშიც დაეხმარება.