თბილისის საერთაშორისო აეროპორტში, მგზავრთა რაოდენობა 2010 წლის 11 თვის მონაცემებით, გასული წლის ანალოგიურ პერიოდთან შედარებით 17 %-ით გაიზარდა. ამ ინფორმაციას "ტავ ჯორჯია" ავრცელებს.
კომპანიაში აცხადებენ, რომ 2006 წლიდან 2010 წლამდე სატვირთო გადაზიდვებმა 71% მოიმატა, ხოლო 2010 წლის 11 თვის მონაცემებით 22% -ით გაიზარდა გასული წლის ანალოგიურ პერიოდთან შედარებით.
თბილისისა და ბათუმის საერთაშორისო აეროპორტების ოპერატორი კომპანია "ტავ ჯორჯიაში", აცხადებენ, რომ კომპანია მხარს უჭერს საქართველოს მთავრობის კურსს, რომელიც ტურიზმისა და მოგზაურობის სფეროს განვითარებას ისახავს მიზნად, რათა ერთობლივი ძალისხმევით გაიზარდოს მგზავრთა რაოდენობა და ვიზიტორთა მიმოსვლა ქვეყანაში.
