10 თვეში, ევროპის ქვეყნებიდან (დსთ-ს ქვეყნების გარეშე) საქართველოში 549 ათას 920 ვიზიტორი შემოვიდა (შემოსულ ვიზიტორთა 32,7%), რაც გასულ წელთან შედარებით 34%-ით მეტია. 2010 წლის 10 თვეში, დსთ-ს ქვეყნებიდან შემოსულია 1 მლნ. 67 ათას 53 ვიზიტორი (ვიზიტორთა 63,5%), რაც 2009 წლის ანალოგიურ მაჩვენებელზე 39%-ით მეტია.

მიმდინარე წლის 10 თვეში, ამერიკიდან შემოვიდა 20 ათას 242 ვიზიტორი (შემოსულ ვიზიტორთა 1,2%), რაც 2009 წლის ანალოგიურ მაჩვენებელზე 19%-ით მეტია, აზიის ქვეყნები-დან - 39 ათას 866 ვიზიტორი (შემოსულ ვიზიტორთა 2,4%), რაც წინა წლის ანალოგიურ მაჩვენებელს 66%-ით აღემატება, აფრიკიდან - 2 ათას 350 ვიზიტორი (შემოსულ ვიზიტორთა 0,1%), გასულ წელთან შედარებით 184%-ით მეტი, ხოლო დანარჩენი მსოფლიოდან - 2 ათას 102 ვიზიტორი (ვიზიტორთა 0,1%), გასული წლის 10 თვესთან შედარებით 19%-ით მეტი.

ამავე პერიოდში, დსთ-ს ქვეყნებიდან შემოსულ ვიზიტორთა (1 მლნ. 67 ათას 53) უდიდესი ნაწილი აზერბაიჯანზე მოდის. კერძოდ, აზერბაიჯანიდან შემოვიდა 438 ათას 866 ვიზიტორი (დსთ-ს ქვეყნების ვიზიტორთა 41,1%), რაც გასული წლის ანალოგიურ მაჩვენებელს 29,4%-ით აღემატება. სომხეთიდან შემოვიდა 428 ათას 211 ვიზიტორი (დსთ-ს ვიზიტორების 40,1%), რაც გასული წლის 10 თვესთან შედარებით 54%-ით მეტია.