2011 წლისთვის ნავთობის გაყიდვებიდან ერაყის შემოსავალი, რომლითაც სახელმწიფო ბიუჯეტი ივსება, 60 მლრდ დოლარის ოდენობითაა განსაზღვრული. ეს იმ შემთხვევაში, თუკი ბარელი ნავთობის ფასი ამჟამინდელ ოდენობაზე დარჩება ან მასთან მიახლოებული იქნება.
ნავთობის საბაზისო ფასი, რომლის საფუძველზეც სახელმწიფო ბიუჯეტი განისაზღვრა, 2011 წლისათვის 73 დოლარით დაფიქსირდა.
ერაყიდან ნავთობის ექსპორტი ივარაუდება 2.3 მლნ ბარელის ოდენობით დღე-ღამეში, რომლიდანაც 150 ათასი ბარელი მოდის ქურდისტანის რეგიონზე.
დღეისათვის ნავთობის ექსპორტი ავტონომიიდან შეჩერებულია, თუმცა უახლოეს პერიოდში მისი განახლება იგეგმება.
ბიუჯეტის დეფიციტი 2011 წლისათვის 25 მლრდ დოლარის ოდენობითაა დაგეგმილი.
