პრეზიდენტის გადაწყვეტილებით, გია არსენიშვილს გარდაცვალების შემდეგ ბრწყინვალების ორდენი მიენიჭა.
საქართველოს პარლამენტის წევრი გია არსენიშვილი წუხელ გულის შეტევით გარდაიცვალა. დეპუტატის გარდაცვალებასთან დაკავშირებით განცხადება გააკეთა საქართველოს პრეზიდენტმა.
„მე დავკარგე პირადი მეგობარი და დიდი ხნის მრჩეველი, პარლამენტმა მნიშვნელოვანი საზოგადო მოღვაწე, ქართულ საზოგადოებას კი დააკლდა კეთილშობილი, ჭკვიანი, გულისხმიერი ადამიანი. ვუსამძიმრებ მის ოჯახს", - განაცხადა მიხეილ სააკაშვილმა.
გია არსენიშვილი საკანონმდებლო ორგანოში 2008 წელს თელავის რაიონიდან აირჩეს. 1995 - 2000 წლებში ის იყო პრეზიდენტის რწმუნებული კახეთში, შემდეგ სახელმწიფო მინისტრი. მოგვიანებით არსენიშვილი ავსტრიაში, უნგრეთში, სლოვენიაში, სლოვაკეთსა და ჩეხეთში ელჩად მუშაობდა. ბოლო დრომდე ტექნიკურ მეცნიერებათა პროფესორი და დოქტორი პარლამენტში ადამიანის უფლებათა დაცვის კომიტეტს ხელმძღვანელობდა.
