„ეკონომიკურის პრობლემების კვლევის ცენტრი" მთავრობისა და პრეზიდენტის სარეზერვო ფონდების არამიზნობრივ ხარჯვაზე საუბრობს.
ცენტრის ინფრმაციით პრეზიდენტისა და მთავრობის სარეზერვო ფონდებიდან სახსრები გამოიყოფა ისეთ ღონისძიებებზე, რაც სხვადასხვა საჯარო დაწესებულებების კომპეტენციაა. ხშირია ისეთი ხარჯები, როგორიცაა გართობაზე, მიღებებზე, დაჯილდოებებზე და ა.შ. დახარჯული თანხები. ცენტრში გსანმარტავენ, რომ 2011 წელს, 2010 წელთან შედარებით თითოეული ფონდის მოცულობა გაორმაგდა და შეადგენს 50 მლნ. ლარს. ხოლო რაც შეეხება რეგიონებში განსახორციელებელი პროექტების ფონდს „ეკონომიკურის პრობლემების კვლევის ცენტრში" განმარტავენ, რომ რეგიონალური განვითარების ფონდიდან ხორციელდება რეგიონალური განვითარების პროგრამები, რაც რიგ შემთხვევებში თვითმმართველობებთან დუბლირებაში მოდის ან ისინი ,,თამაშგარე მდგომარეობაში" არიან.
ცენტრის განმარტებით, 2011 წელს, თვითმმართველობებიდან 40 მლნ ლარის ამოღებაა დაგეგმილი, რათა შემდგომ ამ ფონდიდან დაფინანსდეს რეგიონალური პროექტები, რაც ხშირ შემთხვევაში თვითმმართველობის უფლებამოსილებას არ განეკუთვნება (წყლის სისტემების რეაბილიტაცია, რეგიონალური გზები, ხიდები და ა.შ.).