დღეს, 16 ნოემბერს, 12:00 საათზე ლატვიური ავიაკომპანია AirBaltic Corporation -ი საქართველოში წარმომადგენლობით ოფისს ხსნის. წარმომადგენლობა ფალიაშვილის ქ. # 72-ში გაიხსნება.
ცერემონიალს მთავრობის წევრებთან ერთად საქართველოში აკრედიტებული დიპლომატიური კორპუსის წარმომადგენლებიც დაესწრებიან.
ავიაკომპანია AirBaltic Corporation-ი მეხუთე წელია, ახორციელებს ფრენებს საქართველოს მიმართულებით. კომპანა რიგის გავლით 70 სხვადასხვა მიმართულებით დაფრინავს.
კომპანიის მენეჯმენტი აცხადებს, რომ მათი ძირითადი პრიორიტეტია მაღალი ხარისხის მომსახურება და დაბალი კონკურენტუნარიანი ფასები.
