დედაქალაქის 2011 წლის ბიუჯეტი საკრებულოს სხდომაზე კვირის ბოლოს გავა. პროექტის პირველად ვარიანტზე მუშაობა უკვე დასრულებულია.
გიგი უგულავა მზადაა, დოკუმენტის კენჭისყრამდე ის საკრებულოს თითოეულ დეპუტატთან განიხილოს.
"მზად ვართ ოპოზიციის ყველა შენიშვნა, რომელიც მათ თბილისის ბიუჯეტის პროექტთან დაკავშირებით გაუჩნდებათ, მოვისმინოთ და გავითვალისწინოთ", - აცხადებს უგულავა.
შეგახსენებთ, რომ თბილისის 2011 წლის ბიუჯეტის პროექტის შემუშავებაში დედაქალაქის მცხოვრებლებმაც მიიღო მონაწილეობა. მოქალაქეები ორი კვირის განმავლობაში საკუთარ ინიციატივებს სპეციალურ ბუკლეტებში აფიქსირებდნენ, რომლებსაც შემდეგ მუნიციპალიტეტებში აბარებდნენ.
თბილისის მომავალი წლის ბიუჯეტი ძირითადად სოციალურ სფეროზე იქნება ორიენტირებული.