ბაქო-თბილისი-ყარსის სარკინიგზო მაგისტრალი საქართველოს ევროპასთან შემაერთებელი გზა იქნება.
ამის შესახებ საქართველოს პრეზიდენტმა დღეს, თბილისი-ახალქალაქის დამაკავშირებელი გზის გახსნის შემდეგ, ადგილობრივ მოსახლეობასთან შეხვედრისას განაცხადა.
"ეს რკინიგზა დაასაქმებს 5 - 6-ჯერ მეტ ადამიანს, ვიდრე ასაქმებდა აქ რუსეთის სამხედრო ბაზა. ეს რკინიგზა იქნება ჩვენი შემაერთებელი ევროპასთან. აქედან ლონდონამდე სამ დღეში ჩავალთ მატარებლით", - განმარტა ქვეყნის პირველმა პირმა.
შეგახსენებთ, რომ საქართველოს ტერიტორიაზე ბაქო-თბილისი-ყარსის შემაერთებელი სარკინიგზო მონაკვეთის მშენებლობის პროექტის რეალიზაციას 2007 წელს შექმნილი კომპანია „მარაბდა-კარწახის რკინიგზა"ახორციელებს. სარკინიგზო ხაზის საქართველოს მონაკვეთის პროექტირება, რეკონსტრუქცია, რეაბილიტაცია და მშენებლობა 2012 წელს დასრულდება.