ქობულეთის თავისუფალ ტურისტულ ზონაში სასტუმროების მშენებლობაზე ათასი, მათ ექსპლუატაშიაში შესვლის შემდეგ კი სამი ათასი მოქალაქე დასაქმდება.
ამის შესახებ საქართველოს პრეზიდენტმა დღეს, ქობულეთის თავისუფალ ტურისტულ ზონაში ყოფნისას განაცხადა, სადაც მან პირველი 12 სასტუმროს მშენებლობას ჩაუყარა საფუძველი.
"ათასი ადამიანი საქმდება მარტო ამ 20 სასტუმროს მშენებლობაზე. როცა ეს პროცესი დასრულდება (მათი უმეტესი ნაწილი ექსპლუატაციაში 2012 წლის ზაფხულის სეზონისთვის შევა) სამუშაო ექნება უკვე 3 ათას ადამიანს, რადგან ყველა სასტუმრო ერთად 1000 ტურისტზე იქნება გათვლილი", - განმარტა მიხეილ სააკაშვილმა.
შეგახსენებთ, რომ ქობულეთის თავისუფალ ტურისტულ ზონაში სულ 20 სასტუმრო უნდა აშენდეს.