15 ნოემბრიდან საქართველოს ათასწლეულის ფონდის დაფინანსებით, ათასწლეულის პროგრამის ზეგავლენის შეფასების პროექტის ფარგლებში, საქართველოს სტატისტიკის ეროვნული სამსახურის თანამშრომლებს, სპეციალურ სტატისტიკურ პროგრამებში (SPSS, `STATA, IT განვითარება) ტრეინინგი ჩაუტარდებათ.
ტრენინგ კურსს სპეციალურ სტატისტიკურ პროგრამებში საქსტატის ყველა სპეციალისტი რამდენიმე ეტაპად გაივლის. ტრენინგები 15 ნოემბერს დაიწყება და თებერვლის ბოლომდე გაგრძელდება. თანამედროვე სტატისტიკური პროგრამების სწავლების მიზანია თანამშრომელთა კვალიფიკაციისა და შესრულებული სამუშაოს ხარისხის ზრდა.
საქართველოს ათასწლეულის ფონდი და სტატისტიკის ეროვნული სამსახური 2007 წლიდან დღემდე წარმატებით თანამშრომლობენ. გამოყოფილი გრანტის ფარგლებში, სტატისტიკის ეროვნული სამსახური ახორციელებს და მონიტორინგს უწევს გამოკვლევებთან დაკავშირებულ მონაცემთა შეგროვებასა და პროგრამის ზეგავლენის შეფასებას.