იტალიელი არქიტექტორის მიკელე დე ლუკიას ავტორობით ბათუმის ახალ ბულვარში ახალი საცხოვრებელი სახლის მშენებლობა იწყება. "ბათუმი კაზას" მშენებლობას საფუძველი საქართველოს პრეზიდენტმა მიხეილ სააკაშვილმა ჩაუყარა.
სააკაშვილმა განცხადა, რომ ეს არის პირველი შემთხვევა, რომ რეალურად მაღალი დონს უცხოელი არქიტექტორი კერძო სახლის მშენებლობაში შემოვიდა.
"მსოფლიოში ცნობილ აქტიტექტორს ბარსელონაში აშენებული აქვს ძირითადად კერძო სახლები, ეს კი საქართველოში პირველი შემთხვევაა. ჩვენ გვინდა, რომ ეს სახლები იყოს იაფი, რომ ხალხმა მაქსიმალურად იყიდოს, მაგრამ აქ ისეთი ადგილია, რომ ყველა ახალი სახლი უნდა იყოს მოვლენა, იმიტომ, რომ ჩვენ გვაქვს მარტო ერთ ასეთი ქალაქი"- განცხადა მიხეილ სააკშვილმა.
პროექტის თანახმად, 20 სართულიანი ექკლუზიური საცხოვრებელი კორპუსი შენდება, სადაც 47 ბინა განთავსდება. "ბათუმი კაზას" თითოეული ბინა იქნება ხედით ზღვისკენ, კეთილმოწყობილი ეზოებით და მომსახურების ობიექტებით, რომლებიც ყველა ერთ კორპუსში განთავსდება.
6 მილიონ დოლარიანი პროექტს დასრულება 2012 წლისთვის იეგმება.
"ბათუმის კაზას" პროექტის ავტორი იტალიელი არქიტექტორი მიკელე დე ლუკია. საქართველოში მან უკვე განახორციელა რამდენიმე პროექტი, მათ შორის თბილისში "მშვიდობის ხიდი", პრეზიდენტის ადმინისტრაცია და ბათუმში მიმდინარე პროექტი - იუსტიციის სახლი, რომელიც "ბათუმი კაზასთან" ერთად ბულვარის ახალ ცენტს შექმნის.
პროექტს ქართული დეველოპერული კომპანია "ახალი სამშენებლო კომპანია" "საქართველოს ბანკის" და "თიბისის ბანკის" მხარდაჭრით ახორციელებს. საინჟინრო ნაწილს კი ორი იტალიური კომპანია მართავს.
