ხვალ, 12 ნოემბერს 14 საათზე საქართველოს ენერგეტიკის მინისტრი ალექსანდრე ხეთაგური, კახეთის გუბერნატორი გიორგი ღვინიაშვილი და შპს "სოკარ ენერჯი ჯორჯია"-ს გენერალური დირექტორი მაირ მამედოვი ყვარელში, კომპანია "სოკარ ჯორჯია გაზი"-ის რეგიონალური კომპანიის "სოკარ ჯორჯია გაზი - კახეთი"-ს ოფისისა და მომსახურეობის კომპლექსის გახსნის ცერემონიალს დაესწრებიან.
კომპანიამ აღნიშნული ოფისი საქმიანობის ეფექტურობის ამაღლებისა და მენეჯმენტის გაუმჯობესების მიზნით გახსნა. "სოკარ ჯორჯია გაზი" საქართველოს შიდა ბაზარზე ფუნქციონირებს და მისი ძირითადი საქმიანობაა ბუნებრივი გაზის მიწოდებაა. კომპანია ახორციელებს გაზის იმპორტს ქვეყანაში და მის რეალიზაციას სოციალური და კომერციული მომხმარებლისათვის.
საქართველოს ეკონომიკური განვითარების სამინისტროსა და შპს "სოკარ ჯორჯია გაზ"-ს შორის გაფორმებული ხელშეკრულების ფარგლებში, კომპანიამ შეიმუშავა 3-წლიანი საინვესტიციო პროგრამა, რომლის თანახმად ახორციელებს ახალი გაზსადენების მშენებლობას და არსებული გაზის ქსელების რეაბილიტაციას საქართველოს სხვა და სხვა რეგიონებში.
დღეისათვის, უკვე აშენებულია და ჩაბარებულია ექსპლუატაციაში 600 კმ. გაზსადენი, ჩაუტარდა სარეაბილიტაციო სამუშაოები 40 კმ. გაზის ქსელს.. შპს "სოკარ ჯორჯია გაზის" მიერ 2009 -2010 წლების გეგმის თანახმად ქვეყნის სხვა და სხვა რეგიონებში განხორციელებული სამშენებლო სამუშაოების შედეგად გაზიფიცირების საშუალება ექნება 110000 პოტენციურ აბონენტს.