ფინანსთა სამინისტროს საგამოძიებო სამსახურის თანამშრომლებს სახელმწიფო დააზღვევს.
როგორც პარლამენტის ჯანდაცვის კომიტეტის დღევანდელ სხდომაზე ფინანსთა მინისტრის მოადგილემ ნათია მიქელაძემ აღნიშნა, "საქართველოს ფინანსთა სამინისტროს საგამოძიებო სამსახურის შესახებ კანონში" დამატებები შედის.
აღნიშნული სამსახურის თანამშრომლების დაზღვევას ითვალისწინებს. საგამოძიებო სამსახურის თანამშრომლებთან ერთად მოხდება მათი ოჯახის წევრების დაზღვევაც.
პარლამენტის ჯანდაცვის კომიტეტის თავმჯდომარის ოთარ თოიძის თქმით, იმის გამო, რომ ხდება ბიუჯეტის ფორმირება, აღნიშნული საკითხი ბიუროზე დაჩქარებული წესით განიხილება.
ფინანსთა მინისტრის მოადგილის ნათია მიქელაძის ინფორმაციით, საგამოძოებო სამსახურში ამ დროისთვის 500-მდე თანამშრომელი მუშაობს.