საქართველომ ინვესტორების დაცვის კატეგორიაში პოზიცია გაიუმჯობესა მსოფლიო ბანკის მიერ ჩატარებული მორიგი კვლევის მიხედვით საქართველომ ინვესტორების დაცვის კატეგორიაში 41-ე ადგილიდან მე-20 ადგილზე გადაინაცვლა. მსოფლიო ბანკის მიერ გაკეთებული განმარტებით, საქართველომ შარშანდელთან შედარებით ინვესტორთა დაცვის მექანიზმი გააძლიერა. ინფორმაცია საქართველოს შესახებ უფრო ხელმისაწვდომი გახდა. საქართველომ ინვესტორებისთვის კარგი პირობები შექმნა, რამაც ბევრი ბიზნესმენი დაანტერესა საქართველოში ინვესტიციის ჩასადებად. მსოფლიოში ყველაზე დაცულად თავს ინვესტორი ახალ ზელანდიაში იგრძნობს. მეორე ადგილზე იმყოფება სინგაპური, მესამეზე კი ჰონკ-კონგი. ყველაზე დაუცველები ინვესტორები სურინამში, ლაოსსა და ავღანეთში არიან. რუსეთი ამ კატეგორიაში 93-ე ადგილზე იმყოფება. მან წინა კვლევასთან შედარებით ერთი ადგილით გაიუარესა მდგომარეობა. პოსტ-საბჭოთა სივრცეში საქართველო მეორე პოზიციაზეა. მას მხოლოდ ყირგიზეთი უსწრებს. მესამეზე კი საქართველოს მოსაზღვრე ქვეყანა აზერბაიჯანია. შეგახსენებთ, რომ მსოფლიო ბანკი კვლევას ყოველ წლიურად აქვეყნებს. კვლევის მიხედვით დგება რეიტინგი, რომელშიც აღწერილია სხვადასხვა ქვეყნებში არსებული ეკონომიკური მდგომარეობა.
მასალის გამოყენების პირობები