საქართველოს ეკონომიკისა და მდგრადი განვითარების სამინისტროში სტრუქტურული სიახლეა.
როგორც ეკონომიკისა და მდგრადი განვითარების მინისტრმა ვერა ქობალიამ განაცხადა, სამინისტროში კოორდინაციის სამსახური იქმნება.
ახალი სამსახური პირდაპირ დაექვემდებარება მინისტრს და მისი მთავარი ფუნქცია სამინისტროს ეფექტური დაა კოორდინირებული კომუნიკაციის უზრუნველყოფა იქნება, რეგიონულ სახელმწიფო სტრუქტურებთან და ბიზნესთან.
აღნიშნული სამსახურის უფროსის ვინაობა დღეს მინისტრს არ დაუსახელებია, თუმცა, სავარაუდოდ მას უკვე ყოფილი მინისტრის მრჩეველი პაპუნა ოკუჯავა უხელმძღავნელებს.
როგორც ვერა ქობალიამ განაცხადა, სამინისტროს ხელმძღავნელობა დიდ მნიშვნელობას ანიჭებს სამოქალაქო სექტორის ჩართულობას ეკონომიკისა და მდგრადი განვითარების სამინისტროს საქმიანობის პროცესში.
ამ მიზნით, ახლადშექმნილ სამსახურს დავალება პერმანენტული შეხვედრების ჩატარება არასამთავრობო ორგანიზაციების წარმომადგენლებთან და მინისტრის სამოქალქო სექტორს მეტი თანამშრომლობისკენ მოუწოდებს.
"სამინისტროს ფარგლებში ასევე გათვალისწინებულია მდგრადი განვითარების დეპარტამენტის ჩამოყალიბება. მისი უფროსი და თანამშრომლები კონკურსის წესით შეირჩევა. ახალი დეპარტამენტი მოამზადებს საქართველოს მდგრადი განვითარების სტრატეგიას, ასევე მიიღებს დაამუშავებს და ჩატარებას ანალიზს შესაბამის ინოვაციურ პროექტებს. იმავდროულად მოამზადებს წინადადებებს სამინისტროს ხელმძღვანელობისა და მთავრობსთვის," - განაცხადა ეკონომიკისა და მდგრადი განვითარების მინისტრმა ვერა ქობალიამ.
ვაკანტურ თანამდებობებზე საბუთების მიღება 10 ნოემბრიდან დაიწყება.