შესაძლოა, საქართველოში საყოფაცხოვრებო ტექნიკის მწარმოებელი მსოფლიო ბრენდის - "ბოშის" ოფიციალური წარმომადგენლობა გაიხსნას.
დანიური კომპანია "ბოშის" წარმომადგენლები ესწრებიან საქართველო-დანიის ბიზნეს ფორუმს, სადაც ქართველ პარტნიორებთან ამ საკითხთან დაკავშირებით მოლაპარაკებებს მართავენ.
როგორც საქართველოში დანიის კონსული ესბენ ენბორგი აცხადებს, დანიური ბიზნესი საქართველოში ინვესტიციების ჩადებითა და წარმომადგენლობების გახსნით დაინტერესებულია.
"საქართველოში ჩამოვიდნენ წარმომადგენლები წამყვანი დანიური კომპანიისა, რომლებიც ქართული ბიზნესის წარმომადგენლებთან მართავენ შეხვედრებს და თუკი დაინტერესება იქნება, შესაბამისი კონტრაქტებიც გაფორმდება", - აცხადებს ემბორგი.
კონსულის განმარტებით, დანიური ბიზნესიდან საქართველოში ინვესტიციების განხორციელებით ძირითადად სამშენებლო და დაცვის საშუალებების მწარმოებელი კომპანიები არიან დიანტერესებულნი.
როგორც დანიის სავაჭრო ცენტრის ხელმძღვანელმა სორან სანქსენმა სააგენტო "ჯი-ეიჩ-ენთან" საუბრისას განმარტა, დანიაში დაცვის საშუალებების ბიზნესი საკამოდ მაღალ დონეზეა და ისინი დიანტერესებულნი არიან საქართველოში თავისი ბიზნესის გაფართოებით და დანიაში წარმოებული დაცვის საშუალებების საქართველოში რეალიზაციით.
შეგახსენებთ, რომ საქართველო-დანიის ბიზნესფორუმი დღეს სასტუმრო "რედისონ ბლუ ივერიაში" გაიხსნა.
საქართველოს ცნობილი დანიური კომპანიებისდ IFU; Henning Larsen ; Danfoss; Grundfoss; Rockwool; Bosch; Ramboell-ის წარმომადგენლები ეწვივნენ.
ამ კომპანიების სამუშაო არეალი მოიცავს მსოფლიო კლასის არქიტექტურას, ინფრასტრუქტურასა და ტრანსპორტს, სამშენებლო მასალას, გათბობის სისტემებსა და საყოფაცხოვრებო ტექნიკას. Henning Larsen არის ის არქიტექტურული კომპანია, რომელმაც დააპროექტა ახალი აკვარიუმი, ბათუმის პორტის მიმდებარე ტერიტორიაზე და პროექტის ორიგინალურობისათვის მიიღო ჯილდო. იმავე კომპანიის პროექტის მიხედვით აბასთუმანში შენდება ფეშენებელური სასტუმრო კომპლექსი.