დღეს, 4 ნოემბერს, 18:00 საათზე, თბილისში, სასტუმრო "რედისონ ბლუ ივერიაში", აზერბაიჯანულ-გერმანული ბიზნესფორუმი გაიმართება. ღონისძიება აზერბაიჯანული ბიზნესასოციაციისა (AძEBI) და გერმანული ბიზნესასოციაციის (DWVG) ინიციატივით ეწყობა.
ფორუმი მიზნად ისახავს საქართველოში მოღვაწე აზერბაიჯანული და გერმანული ბიზნეს კომპანიების დაახლოებას და სამომავლო თანამშრომლობისთვის საფუძვლის ჩაყრას.
ღონისძიებას საქართველოში აკრედიტებული აზერბაიჯანისა და გერმანიის ელჩები, საქართველოს მთავრობის წარმომადგენლები, კერძოდ, საქართველოს პრემიერ-მინისტრის პირადი მრჩეველი, ბიზნესომბუდსმენი გიორგი პერტაია და საქართველოს ეკონომიკისა და მდგრადი განვითარების სამინისტროსთან არსებული საინვესტიციო სააგენტოს დირექტორი ირაკლი მატკავა დაესწრებიან.
აზერბაიჯანული ბიზნესასოციაცია საქართველოში (AZEBI) 2009 წლის იანვარში დაარსდა. დღეისთვის ორგანიზაციაში 30-მდე აზერბაიჯანული კომპანიაა გაწევრიანებული.
გერმანული ბიზნესასოციაცია საქართველოში (DWVG) 2007 წელს შეიქმნა და დღეისთვის 45 წევრს აერთიანებს.