საქართველოს მთავრობა შანხაის საფონდო ბირჟაზე ენერგოკომპანიების აქციების შესაძლო გაყიდვის შესახებ გავრცელებულ ინფორმაციას ადასტურებს.
როგორც ჟურნალისტებს პრემიერ-მინისტრის პრესსამსახურის უფროსმა ნიკო მჭედლიშვილმა განუცხადა, არ არის გამორიცხული, აღნიშნულ ბირჟაზე ქართული ენერგოკომპანიების აქციების 10-15 პროცენტი მართლაც გავიდეს.
"პრემიერი ნიკა გილაური აზიური ტურნეს ფარგლებში შანხაის საფონდო ბირჟის ხელმძღვანელობას შეხვდა. თუმცა ეს შეხვედრა გაცნობითი ხასიათის იყო და მასზე კონკრეტული გადაწყვეტილებები არ მიუღიათ. თუმცა არ არის გამორიცხული, ენერგოკომპანიების აქციების 10-15 პროცენტი მართლაც გაიყიდოს", - განმარტა მჭედლიშვილმა.
შეგახსენებთ, რომ შანხაის საფონდო ბირჟაზე ქართული ფასიანი ქაღალდების შესაძლო გაყიდვის შესახებ ინფორმაცია ქართულ პრესაში გაჩნდა.