კომპანია "აგროლაინმა" წაბლის შესყიდვა დაიწყო, რომელსაც შემდგომ გადაამუშავებს და ევროპის ბაზარზე გაიტანს. კომპანიის მენეჯმენტი განმარტავს, რომ სეზონის დასაწყისში წაბლის ფასი შედარებით ძვირია. ამ დროისათვის საწარმო 1 კგ წაბლს 1 ლარად იბარებს, გლეხი ადგილზე რელურად 80 თეთრს იღებს, რასაც შემდგომ შეგროვებისა და ტრანსპორტირების ხარჯები ემატება.
"აგროლაინში" წინასწარ არ იციან, თუ რა მოცულობის წაბლს მიიღებენ სეზონზე, რადგანაც გვალვების გამო წაბლის მოსავალი საგრძნობლად შემცირებულია.
ჩაბარებული ნედლი წაბლიდან გამოსავლიანობა, დაახლოებით, 30%-დან 50 %-მდეა. ქართულ წაბლზე მოთხოვნა იტალიიდან და საფრანგეთიდან არსებობს, სადაც 1 კგ გაყინული წაბლის ღირებულება 1,5-დან 2 ევრომდეა.
"აგროლაინი" წაბლს იმერეთსა და აჭარაში იბარებს.
აჭარის სოფლის მეურნეობის სამინისტროს ინფორმაციით, რეგიონში 2009 წლის სეზონზე სულ წარმოებული იქნა 55 ტონამდე წაბლი (ძირითადად ქედის მუნიციპალიტეტში). მოსახლეობისგან წაბლის შესყიდვას სააქციო საზოგადოება "აგროლაინი~ აწარმოებდა. აჭარის ტერიტორიაზე მთლიანობაში 26 წაბლის შემგროვებელი პუნქტი მოქმედებდა. 1 კგ წაბლის შესასყიდი ფასი 50 თეთრს შეადგენდა. წაბლის შეგროვებაში ჩართული იყო 100-მდე ოჯახი. კომპანია "აგროლაინმა" 1 კილოგრამ წაბლში მოსახლეობას 50 თეთრი გადაუხადა.
