რუმინელი ინვესტორები აჭარის ტურისტული პოტენციალით არიან დაინტერესებულნი, ამის შესახებ განცხადება აჭარის მთავრობის თავმჯდომარისა და რუმინეთის კონტროლის პალატის თამჯდომარის შეხვედრისას გაკეთდა.
შეხვედრას რუმინეთის ელჩი და საქართველოს კონტროლის პალატის თავმჯდომარე ლევან ბეჟაშვილიც ესწრებოდა.
რუმინელმა სტუმარმა შეხვედრაზე აღნიშნა, რომ რუმინელი ინვესტორები დაინტერესებული არიან აჭარის ტურისტული პოტენციალით. როგორც ნიკოლაე ვაკაროიუსი აცხადებს ისინი აჭარაში ინვესტიციების ჩადებას აპირებენ როგორც საზღვაო, ასევე სამთო ტურიზმის განვითარებაში.
შეხვედრაზე საუბარი იყო აჭარის კონტროლის პალატაში მიმდინარე რეორგანიზაციაზეც. როგორც შეხვედრაზე ითქვა ახალი კადრები საერთაშორისო სტანდარტებს უნდა აკმაყოფილებდეს.
შეგახსენებთ, რომ რუმინეთის და საქართველოს კონტროლის პალატებს შორის, 27 ოქტომბეს ურთიერთანამშრომლობის მემორანდუმი გაფორმდა. ამ მემორანდუმმა რუმინეთსა და საქართველოს კონტროლის პალატებს შორის გამყარებული თანამშრომლიბა სამართლებრივ ჩარჩოებში მოაქცია.
