საქართველოს შავი ზღვის ვაჭრობისა და განვითარების ბანკის პრეზიდენტი ანდრეი კონდაკოვი სტუმრობს. ანდრეი კონდაკოვი საქართველოს ეროვნული ბანკის პრეზიდენტს გიორგი ქადაგიძეს უკვე შეხვდა და სამომავლო გეგმებზე ესაუბრა.
გიორგი ქადაგიძის განმარტებით, ანდრეი კონდაკოვთან შეხვედრის მიზანი შავი ზღვის ვაჭრობისა და განვითარების ბანკის მიერ დაფინანსებული პროექტებისა და პროგრამების მიმდინარეობის გაცნობაა.
"შავი ზღვის ვაჭრობისა და განვითარების ბანკის მიზანია შავი ზღვის აუზის ქვეყნებში ეკონომკური მდგომარეობის ხეშეწყობა. ბანკს საქართველოში რამოდენიმე ათეული მილიონის პროექტები უკვე განხორციეკებული აქვს. ბევრი მნიშვნელოვანი პროექტი ამ ეტაპზე დაფინანსების სტადიაშია. ბანკის პრეზიდენტის ვიზიტს ორი დატვირთვა აქვს, პრველი ის, რომ გავაცნოთ უკვე დაფინანსებული პროექტების მიმდინარეობა და მეორე, კიდევ უფრო გააქტიურდეს ამ ბანკის საინვესტიციო მიმართულება საქართველოში",- აცხადებს გიორგი ქადაგიძე.
ანდრეი კონდაკოვის განმარტებით, ის შავი ზღვის ვაჭრობისა და განვითარების ბანკის პრეზიდენტრის რანგში საქართველოში პირველად იმყოფება.
"საქართველოში ბანკის არსებობის 11 წლის მანძილზე, ჩვენ შევძელით ქვეყანაში 15 პროექტი დაგვეფინანსებინა, რომლის ბიუჯეტიც 70 მლნ დოლარია. საქართველოში ბანკის პორტფელი 10 %-ს, თანხებში 30 მლნ დოლარს შეადგენს, რაც შავი ზღვის ვაჭრობისა და განვითარების ბანკის საერთო პორთფელის 2,3-ია. თუმცა არის შესაძლებლობები, რომ ამ მიმართულებით ჩვენი საქმიანობა კიდევ უფრო გაძლიერდეს",- აცხადებს შავი ზღვის ვაჭრობისა და განვითარების ბანკის პრეზიდენტი.
ანდრეი კონდაკოვის თქმით, 2011 წლის პირველ კვარტალში ბანკი საქართველოში სპეციალურ მისიას გამოზავნის, რაც საქართველოში ბანკის პორტფელის გაზრდის და ახალი პროექტების დაფინანსების წინაპირობა გახდება.
შავი ზღვის ვაჭრობისა და განვითარების ბანკის პრეზიდენტი თბილისში ვიზიტისას შეხვედრებს გამართავს ასევე ქართული საბანკო სექტორისა და ქართული ბიზნესის წარმომადგენლებთან, რა დროსაც ანდრეი კონდაკოვი შავი ზღვის ვაჭრობისა და განვითარების ბანკის საქმიანობის შესახებ პრეზენტაციას გამართავს.
ანდრეი კონდაკოვი 2010 წლის ივლისიდან ხელმძღვანელობს შავი ზღვის ვაჭრობისა და განვითარების ბანკს. სხვადახვა წლებში იგი აქტიურად იყო ჩართული საერთაშორისო საფინანსო ინსტიტუტებში, საინვესტიციო და საფინანსო ურთიერთობებისა და რეგიონალური ეკონომიკური თანამშრომლობის საკითხებში. 2003-2007 წლებში იყო შავი ზღვის ვაჭრობისა და განვითარების ბანკის დირექტორთა საბჭოს წევრი. 2007 წლის ივლისიდან 2010 წლის ივლისამდე კი კონდაკოვი შავი ზღვის ვაჭრობისა და განვითარების ბანკის ვიცე-პრეზიდენტი გახლდათ.
შავი ზღვის ვაჭრობისა და განვითარების ბანკი 1994 წელს შეიქმნა. მისი შტაბ-ბინა სალონიკში მდებარეობს. ბანკის მიზანია რეგიონული პროექტებისა და პროგრამების დაფინანსება, წევრ სახელმწიფოებს შორის ვაჭრობის ხელშეწყობა, შავი ზღვის რეგიონის ეკონომიკური განვითარება. ამ საბანკო ინსტიტუტის საკრედიტო ხაზებით უკვე სარგებლობენ ქართული კომერციული ბანკები („თი-ბი-სი"; „პროკრედიტ ბანკი"; „ვი-თი-ბი" და „ბანკი ქართუ") გარდა ამისა, ფოთის პორტისა და BSTDB საქართველოს მილსადენის პროექტები.
