მარცვლეულით ვაჭრობის საერთაშორისო ასოციაცია - GAFTA, უკრაინის მიერ ხორბლის ექსპორტზე კვოტების დაწესება ეწინააღმდეგება.
ამის შესახებ ინფორმაციას უკრაინის მეხორბლეთა ასოციაცია ავრცელებს.
უკვე ცნობილია, რომ მარცვლეულით ვაჭრობის საერთაშორისო ასოციაციამ უკრაინის პრეზიდენტს ვიქტორ იანუკოვიჩს და ქვეყნის პრემიერ-მინისტრ ნიკოლაი აზაროვს ვითარების გამოსწორების თხოვნით უკვე მიმართა.
~მარცვლეულით ვაჭრობის საერთაშორისო ასოციაცია, რომელიც თავისუფალი ვაჭრობის პრინციპებს იცავს, შეშფოთებულია, რომ ამ დრომდე უკრაინის ბაზარზე არსებული ვითარება არაპროგნოზირებადი და გაუმჭვირვალეა.
ჩვენთვის მიუღებელია უკრაინის მთვარობის გადაწყვეტილება ხორბლის ექსპორტზე კვოტების დაწესების შესახებ, რადგან ეს მსოფლიო სავაჭრო ორგანიზაციის მიმართ კიევის მიერ აღებულ ვალდებულებებს ეწინააღმდეგება", - ნათქვამია ასოციაციის მიერ უკრაინის პირბელი პირეისათვის გაგზავნილ წერილში.
უკრაინის მეხორბლეთა ასოციაციის ინფორმაციით, ამ დროისათვის პორტებში ხორბლით დატვირთული 16 გემი დგას, ხოლო ნავსადგურებში ასევე შესულია ათასობით ტონა ხორბლით, სიმინდითა და ქერით დატვირთული ათეულობით ვაგონი.
უკრაინის მთავრობის #938-ე დადგენილების მიხედვით, 2011 წლისთვის ხორბლის საექსპორტო კვოტა 0,5 მლნ ტონით განისაზღვრა, ქერის - 0,2 მლნ ტონით, ხოლო სიმინდის - 2 მლნ ტონით.