დღეს დილის 10:00 საათიდან საბურთალოს რაიონის რამდენიმე ქუჩის გაზმომარაგების აღდგენა დაიწყო. გაზმომარაგება ეტაპობრივად აღდგება მიცკევიჩის ქუჩაზე, ვაჟა-ფშაველას გამზირის #2-#20-ზე, ყაზბეგის გამზირზე, პეკინის ქუჩის ნაწილსა და მიმდებარე ქუჩებზე.
"ყაზტრანსგაზ-თბილისის" ინფორმაციით, გაზმომარაგება აღნიშნულ ქუჩებზე ავარიის გამო შეწყდა.
შპს "ყაზტრანსგაზ-თბილისი" აბონენტებს ბოდიშს უხდის და მოუწოდებს, ბინებში არსებული გაზის ონკანები დაკეტილ მდგომარეობაში დატოვონ.
ასევე, ყურადღება მიაქციონ გაზის დანადგარებს.