ფოთში 220 კვტ-იანი ელექტროგადამცემი ხაზი და ორჯაჭვიანი 110 კვტ-იანი ელექტროგადამცემი ხაზი აშენდება.
"საქართველოს სახელმწიფო ელექტროსისტემის" ინფორმაციით,
ამ ეტაპზე, მთლიანი სამუშაოს 75%-ი შესრულებულია. 220 კვტ-იანი ელექტროგადამცემი ხაზის მხარეს დაიდგა 30 ანძა, ხოლო 110 კილოვოლტიანი ხაზის მხარეს - 55 ანძა. სრულად არის დასრულებული საძირკვლების მონტაჟი. 220 კვ-ის მხარეს სადენების 45%-ია გაბმული, ხოლო 110 კვ-ის მხარეს - 40%.
აღნიშნული ელექტროგადამცემი ხაზის მეშვეობით მოხდება ფოთის თავისუფალი ინდუსტრიული ზონის ელექტრომომარაგება. დღეისათვის სსე მზადაა ახალაშენებული ფოთის ელექტროგადამცემი ხაზით 20 მეგავატი ელექტროენერგიის გადაცემა განახორციელოს, ხოლო ოქტომბრის ბოლოს, პროექტის დასრულების შემდეგ, გადასაცემი ელექტროენერგიის სიმძლავრე 60 მეგავატავამდე გაიზრდება.
