ნატახტარის ლიმონათი გასცდა საქართველოს საზღვრებს და 2005 წლიდან მსოფლიოს სხვადასხვა ქვეყნებში ექსპორტზე გადის. ამასთან, წლიდან წლამდე იზრდება ექსპორტის მოცულობა მრავალ ქვეყნებში.
წელს კომპანია „ნატახტარი" ლიმონათის ექსპორტს 16 ქვეყანაში ახორციელებს, მათ შორის, აზერბაიჯანში, სომხეთში, ბელგიაში, კვიპროსში, საბერძნეთში, ისრაელში, ყაზახეთში, ლატვიაში, ესტონეთში, პოლონეთში, ტაჯიკეთში, უკრაინასა და აშშ-ში. საექსპორტო კუთხით, განსაკუთრებით მნშვნელოვანია აზრბაიჯანის ბაზარი, სადაც ივნისიდან უკვე დაიწყო საგანგებოდ შემუშავებული მარკეტინგული კამპანიის განხორციელება.
წელს ქართულ ბაზარზე უკვე გამოვიდა ნატახტარის ლიმონათის ახალი 2 ლიტრიანი შეფუთვა, ასევე პირველად საქართველოში კომპანიამ მომხმარებელს წარუდგინა დიეტური ლიმონათი ნულკალორიანი ლიმონათი მსხლის არომატით, რომელიც არ შეიცავს შაქარს. გამორჩეული გემოს მქონე მსხლის უშაქრო ლიმონათი შექმნილია დიეტურ კვებაზე მყოფი და დიაბეტიანი მომხმარებლებისთვის.
„ნატახტარის ლიმონათი" სტაბილური და მაღალი ხარისხის ქართული ბრენდია, რომელიც ხილის ნატურალურ არომატებზეა დაფუძნებული. ამასთან, საუკეთესო ნატახტრის წყალზე დამზადებული გემრიელი და გამაგრილებელი სასმელია, რომელიც ბავშვურ სიამოვნებას განიჭებთ.
ნატახტარის ლიმონათი საქართველოს ბაზარზე 2005 წლიდან გამოდის. მან მომხმარებელში დიდი მოწონება და სიყვარული დაიმსახურა და დღეს ყველაზე პოპულარული ლიმონათია საქართველოში. ის ტრადიციული პროდუქტია, რომელიც ქართული სუფრის განუყოფელ ნაწილს წარმოადგენს. ის წარმოდგენილია მრავალფეროვანი არომატებით: ტარხუნა, მსხალი, საფერავი, ლიმონი, ნაღები, ატამი და ფორთოხალი.
ლიმნის წვენისგან და მისი ნაყენისგან დამზადებულ სასმელს მე-17 საუკუნეში ლიმონათი უწოდეს. თავისი გამაგრილებელი თვისებებისა და საუცხოო გემოს წყალობით ლიმონათმა ფართო გავრცელება ჰპოვა.
საქართველოში ლიმონათს განსაკუთრებული ისტორია აქვს. ჩვენს ქვეყანაში ლიმონათი ძალიან პოპულარული იყო. სწორედ ამ ტრადიციებს განაგრძობს ნატახტარის ლიმონათი თავისი ნატურალური, საუცხოო გემოთი და გამორჩეული ხარისხით.
