სს "კაუკაზუს ენერჯი ენდ ინფრასთრაქჩამ" ახალციხის
რაიონში, მდინარე მტკვარზე, ხიდის მშენებლობა დაასრულა. ამიერიდან 80 ტონა გამძლეობის და 90 მეტრი სიგრძის ბეტონის ხიდი, პირდაპირ დააკავშირებს საავტომობილო მაგისტრალს სამშენებლო მოედანთან.
ხიდის მეშვეობით საავტომობილო მაგისტრალიდან სამშენებლო მოედანზე სავალი მანძილი შემოკლდება, რაც გამოიწვევს კომპანიის სატრანსპორტო ხარჯების მნიშვნელოვნად შემცირებას. ხიდის აშენებამდე სამშენებლო ტექნიკის მოხვედრა სამშენებლო მოედანზე იყო შესაძლებელი მხოლოდ სოფელ საკუნეთის გავლით, რაც იწვევდა ადგილობრივი მოსახლეობის უკმაკოფილებას.
"ხიდის მშენებლობის დასრულება მნიშვნელოვანი ნაბიჯია ჰესის მშენებლობისთვის აუცილებელი ინფასტრქტურის განვითარებაში. სამშენებლო მოედანზე ინფრასტრუქტურის მოწყობის ძირითადი სამუშაო უკვე შესრულებულია და ჰესის მშენებლობის პროცესი სრული დატვირთვით მიდის წინ", _ განაცხადა "კაუკაზუს ენერჯი ენდ ინფრასთრაქჩას" გენერალურმა დირექტორმა არჩილ მამათელაშვილმა.
"კაუკაზუს ენერჯი ენდ ინფრასთრაქჩა" ახორციელებს ინვესტირებას ქართულ, სომხურ და აზერბაიჯანულ კომპანიებში, რომელთა საქმიანობის ძირითად სფეროს წარმოადგენს ბუნებრივი აირისა და ელექტროენერგიის წარმოება, გადაცემა და დისტრიბუცია.
ამჟამად, კომპანია წარმოადგენს ერთადერთ საინვესტიციო ინსტრუმენტს, რომელიც დაშვებულია საქართველოს საფონდო ბირჟაზე სავაჭროდ და რომელიც სთავაზობს ინვესტორებს კავკასიის რეგიონში ენერგეტიკული და ინფრასტრუქტურული პროექტების ფართო სპექტრს.
