კომპანია "IDS ბორჯომი საქართველო" ლიდერის პოზიციებს საქართველოს ბაზარზე აძლიერებს. კომპანია თავის პორტფელში შემავალი ყველა ბრენდის გათვალისწინებით, საქართველოს მინერალური წყლის ბაზრის 54% უჭირავს. გასულ, 2009 წელთან შედარებით 2010 წელს კომპანიის გაყიდვების მაჩვენებელის 45% ზრდაა დაგეგმილი. 2009 წლის ზაფხულთან (ივნისი, ივლისი, აგვისტო) შედარებით, 2010 წლის ზაფხულის გაყიდვების ზრდის მაჩვენებელმა 49% შეადგინა.
2010 წელს კომპანია "IDS ბორჯომი საქართველოს" მნიშნელოვანი წინსვლა აქვს გაყიდვების კუთხით, როგორც სტრატეგულ, ასევე ადგილობრივ ბაზრებზე.
~უნდა აღვნიშნო, რომ გაამართლა ჩვენმა ახალმა მიდგომამ, რომლის მიხედვით, სტრატეგიულ ბაზრებზე საკუთარი წარმომადგენლები მივავლინეთ. 2008 წლის ბოლოს გაიხსნა წარმომადგენლობითი ოფისი ბალტიისპირეთში, ასევე წარმომადგენლები გავაგზავნეთ ყაზახეთში, აზერბაიჯანსა და ბელორუსიაში. სწორედ ამ ქვეყნებში ფიქსირდება ზრდის ტენდენცია, რაც ვფიქრობ ჩვენი ერთობლი შრომის შედეგია~ - აცხადებს კომპანია "IDS ბორჯომი საქართველოს" გენერალური დირექტორი ზაზა კიკვაძე.
2010 წელს 2009 წლის ანალოგიურ პერიოდთან შედარებით გაყიდვების ზრდა საექსპორტო ბაზრებზე 32% შეადგენს.
არსებული ბაზრების განვითარებასთან ერთად კომპანია "IDS ბორჯომი საქართველო" გაყიდვების გეოგრაფიის ზრდის მიმართულებითაც აქტიუარ აგრძელებს მუშაობას. ინტენსიური მუშაობა მიმდინარეობს დასავლეთ ევროპის რეგიონის ასათვისებლად _Aასევე ახლო აღმოსავლეთის რეგიონი, გაერთიანებული არაბთა ემირატები, ეგვიპტე.
