დღეს, 16 სექტემბერს, 12:00 საათზე, ბათუმის სასტუმრო "ინტურისტში", აშშ-ის საელჩო და ბათუმის საერთაშორის კინოფესტივალის ორგანიზატორები გამართავენ პრესკონფერენციას, რომელზედაც ფესტივალის ამერიკელი სტუმრები ჟურნალისტებს გააცნობენ ფესტივალზე წარმოდგენილ კინოპროგრამას. საუბარი შეეხება ასევე აშშ-ის საელჩოს მიმდინარე და სამომავლო პროექტებს კინემატოგრაფიის სფეროში.

17 სექტემბერს, 18:30 საათზე, ბათუმის დრამატული თეატრის ფოეში, აშშ-ის ელჩის მოვალეობის შემსრულებელი კენტ ლოგსდონი ფესტივალის სტუმრებისთვის გამართავს მიღებას ამერიკული კინოპროგრამის წარსადგენად.

აშშ-ის საელჩო 2010 წლის ბათუმის საერთაშორისო კინოფესტივალის ერთ-ერთი სპონსორია. ფესტივალის ამერიკულ კინოპროგრამაში შესულია ფილმები:
მხატვრული: "Precious", Lee Daniels 2009, "After Life", Agnieszka Wojtowicz-Vosloo's 2010, "Limits of Control", Jim Jarmush's 2009; დოკუმენტური: "And Everything is Going Fine", Steven Soderbergh 2010, "Jean Michel Basquat: The Radiant Child", Tamra Davis 2010.