ინდოელი მილიარდერისა და ძვირფასი ქვების იუველერის, ნარივ მოდის კუთვნილი 68 ხელოვნების უძვირფასესი ნიმუში, აუქციონზე გამოიტანეს. ნარივ მოდის, ინდოეთის ეროვნული ბანკიდან, თაღლითური გზით, 2 მილიარდი დოლარის მოპარვაში ედავებიან.
მისი კოლექცია მოიცავს ცნობილი ინდოელი მხატვრების, რაჯა რავი ვარმასა და ვასუდო გაიტონდეს ნამუშევრებს.
დღევანდელი საბაზრო ღირებულებით, მილიარდერის კოლექციიიდან, გაიტონდეს ნახატს ინდოეთის ისტორიაში რეკორდულ ფასად გაყიდვას ვარაუდობენ. აღსანიშნავია, რომ 2018 წელს გაიტონდეს ერთ-ერთი ტილო ქვეყნის ისტორში ყველაზე ძვირად, 4,4 მილიონ დოლარად გაიყიდა. აუქციონერები ფიქრობენ, რომ ვარნას ნახატი 2,5 მილიონ დოლარზე ნაკლებად არ გაიყიდება.
შეგახსენებთ, რომ ალმასებით მოვაჭრე ინდოელი მილიარდერი 2 მილიარდის მოპარვისთვის ლონდონში დააკავეს. ლონდონის პოლიციის განმარტებით, ბრალდებული ინდოელი სპეცსამსახურების მოთხოვნით დააკავეს. ამ ეტაპზე მიმდინარეობს მისი ექსტრადირების პროცედურები. ბრალდებული დანაშაულს არ აღიარებს.