თბილისის საკრებულოს სხდომაზე დედაქალაქის მიწათსარგებლობის გენერალური გეგმის განხილვისას საკრებულოს სახელდების და სიმბოლიკის კომისიის თავმჯდომარემ თინათინ ნიბლოშვილმა ოპოზიცია პოპულიზმში დაადანაშაულა.
,,საკრებულოს სხდომაზე თქვენს საქმიანობას მხოლოდ სხვადასხვა ტელევიზიის ტოპ-გადაცემების კადრებში მოხვედრა არ უნდა წარმოადგენდეს. ჰკითხეთ მოქალაქეებს, სურთ თუ არა ცხოვრობდნენ ისეთ განვითარებულ ქალაქში, რომლის მიღების შესაძლებლობასაც დღეს საკრებულოს სხდომაზე წარმოდგენილი გენგეგმა იძლევა. დარწმუნებული ვარ, გიპასუხებენ, რომ ნამდვილად სურთ,” - განაცხადა თინათინ ნიბლოშვილმა.
როგორც სახელდების და სიმბოლიკის კომისიის თავმჯდომარემ განაცხადა, თბილისის მიწათსარგებლობის გენერალური გეგმა თბილისის სწორად განვითარებისთვის აუცილებელი და დროული დოკუმენტია.