უზენაესი სასამართლოს მოსამართლეების შერჩევის წესი - პარლამენტში ერთმანეთის პარალელურად ორი კანონპროექტი დარეგისტრირდა. ერთი მათგანის ავტორი პარლამენტის თავმჯდომარე, ირაკლი კობახიძეა, მეორესი კი „ქართული ოცნებიდან“ წასული ეკა ბესელია.
„სახელი მაგ პროექტს ჰქვია კობახიძე, მისი გუნდის და მოსამართლეთა ვიწრო ჯგუფის სია, რომელმაც დაწერა ეს კანონპროექტი და ახლა ცდილობენ, რომ ძალიან კომიკურად შეფუთონ ისე, რომ გაასაღონ თითქოს არის კარგი. ეს არის ძალიან სახიფათო ვერსია, ამის მიღება არ შეიძლება. ამ პროექტის მიღება, რასაც ლობირებს ახლა იუსტიციის საბჭოს მოსამართლეები და კობახიძის გუნდი, ეს არის საფრთხე და ეს არის ღია მცდელობა უზენაეს სასამართლოში მოხდეს იგივე, რისი შეჩერებაც შევძელი მე დეკემბრის ბოლო კვირას. ჩვენი ვერსია აზღვევს იმ რისკებს, რაც შეიძლება მოჰყვეს ამ პროცესს“, - განაცხადა ეკა ბესელიამ.
