სომალის დედაქალაქ მოგადიშოში დანაღმული ავტომობილის აფეთქებას 25 ადამიანი ემსხვერპლა, ხოლო 35 დაიჭრა.
ადგილობრივი მედიის ცნობით, დანაღმული ავტომობილი, რომლის საჭესთანაც თვითმკვლელი ტერორსტი იჯდა, სასტუმრო Hilac UK-თან აფეთქდა. აფეთქების შემდეგ ტერორისტები სასტუმროში შეიჭრნენ. ამ ადგილზე განლაგებულია უამრავი მაღაზია და დაწესებულება. აფეთქებამ ახლოს მდებარე შენობები დააზიანა, დაიწვა ათობით ავტომობილი. აფეთქების შემდეგ დაიწყო სროლა.
პოლიციის წარმომადგენელთა განცხადებით, სროლა ამ დრომდე გრძელდება. მებრძოლები აკონტროლებენ შენობის ნაწილს, სადაც ადამიანები იმყოფებიან. უსაფრთხოების ძალების წარმომადგენლებმა შენობიდან რამდენიმე ადამიანის გამოყვანა შეძლეს.
ტერაქტზე პასუხისმგებლობა ტერორისტულმა დაჯგუფება „აშ-შაბაბმა“ აიღო.
