ცოტა ხნის წინ, დასრულდა საქართველოს ჭიდაობის ეროვნული ფედერაციის პრეზიდიუმის სხდომა, სადაც განიხილეს სხვადასხვა საკითხები, მათ შორის, 11 იანვარს სპორტის სასახლეში მომხდარი ინცინდენტი.
სხდომის დასრულების შემდეგ ცნობილი გახდა, რომ ჭიდაობის ეროვნული ფედერაციის პრეზიდენტმა გეგა გეგეშიძემ თანამდებობა შეინარჩუნა.
შეგახსენებთ, რომ ბერძნულ-რომაულ ჭიდაობაში საქართველოს ჩემპიონატის ფინალის დღეს სპორტის სასახლეში დაპირისპირებისას მოჭიდავე ზურაბ დათუნაშვილს ჭიდაობის ფედერაციის პრეზიდენტი გეგა გეგეშიძე ფიზიკურად გაუსწორდა. ტელეფონით გადაღებულ ვიდეოში ჩანს, რომ გეგა გეგეშიძეს ხელში საგანი უჭირავს, რომელსაც მოჭიდავის მიმართულებით იქნევს, შემდეგ კი მუშტს ურტყამს. გეგა გეგეშიძე დარტყმის ფაქტს უარყოფს და დაპირისპირების ფაქტს შეხლა-შემოხლას უწოდებს. სასამართლომ აღკვეთის ღონისძიების სახით გეგეშიძეს 5 000-ლარიანი გირაო შეუფარდა და ფედერაციის პრეზიდენტის პოსტზეც დატოვა.