24 თებერვალს 12:00 საათზე ტექნოპარკში გაიმართება ბიზნეს ქეისების შეჯიბრი, რომელიც ხუთი წამყვანი უნივერსიტეტის სტუდენტებს აერთიანებს. საკონსულტაციო კომპანია TBSC-ის ინიციატივითა და უმაღლესი სასწავლებლების თანაორგანიზებით განხროციელებული პროექტის ფარგლებში, სტუდენტთა ხუთ გუნდს წინასწარ გადაეცემა ჰარვარდის უნივერსიტეტის ბიზნეს ქეისი - Walmart Vs. Amazon. ახალგზარდებს ორი კვირა მიეცემათ, რათა გადაწყვიტონ ვოლმარტის წინაშე არსებული პრობლემები და შეადგინონ ამაზონისათვის კონკურენციის გაწევის გეგმა.
თბილისის სახელმწიფო უნივერსიტეტის (TSU), ქართულ-ამერიკული უნივერსიტეტის (GAU), შავი ზღვის საერთაშორისო უნივერსიტეტისა (IBSU), კავკასიის უნივერსიტეტის (CU) და საქართველოს საზოგადოებრივ საქმეთა ინსტიტუტის (GIPA) და გუნდები საკუთარ ხედვას 24 თებერვალს სპეციალური ჟიურის წინაშე წარადგენენ, რომელიც ეკონომიკისა და მდგრადი განვითარების მინისტრის მოადგილითა და ლიდერი კომპანიების (Deloitte, KPMG, Marketer.ge) ხელმძღვანელი პირებითაა დაკომპლექტებული. მოხდება რეალური კომპანიის/ბიზნეს გარემოს სიმულაცია, ჟიურის წევრებს მორგებული ექნებათ კომპანია ვოლმარტის უმაღლესი რგოლის მენეჯერების როლი და შეაფასებენ სტუდენტებს. გამარჯვებულები პრეზენტაციების შემდეგ ადგილზევე გამოვლინდებიან, საგანგებოდ შემქნილი საპრიზო ფონდიდან მსხვილი ფულადი ჯილოდოებით დასაჩუქრდებიან და ბიზნეს სექტორის წამყვან პირებთან საქმიანი სადილის და სამუშაო დღის გატარების (ე.წ. „shadowing”) შესაძლებლობა მიეცემათ. ჯილდოს ყველაზე გამორჩეული გულშემატკივრთა გუნდიც მიიღებს.
ღონისძიებას კომპანიების ხელმძღვანელებისა და გულშემატკივრების გარდა, ბიზნეს ასოციაციების, დიპლომატიური მისიების წარმომადგენლები და სხვა ოფიციალური პირები დაესწრებიან. ღონისძიებას გაუძღვება გიორგი ისაკაძე.
ღონისძიების სპონსორები არიან კომპანია ავერსი და საერთაშორისო კომპანია ეპტისა. სპონსორები გამარჯვებულ გუნდებს გადასცემენ ფულად ჯილდოს.
ბიზნეს ქეისების შეჯიბრის მიზანია ასწავლოს სტუდენტებს რეალური ბიზნეს პრობლემების გადაწყვეტა და ანალიტიკური აზროვნება.
დაჯილდოების ცერემონია დასრულდება ფურშეტით, სადაც სტუდენტებს სახელმწიფო სტრუქტურებისა თუ მსხვილი ბიზნეს კომპანიების წარმომადგენლებთან პირადად გასაუბრების საშუალება მიეცემათ.