ლიეტუვაში ანტიკორუფციული ღონისძიებების ფარგლებში, 26 ადამიანი, მათ შორის 8 მაღალი თანამდებობის მოსამართლე და 5 ადვოკატი დააკავეს.
ანტიკორუფციული ბიუროს ხელმძღვანელის ზიდრუნას ბატრკუს მტკიცებით, მოსამართლეები და ადვოკატები ღრმად იყვნენ ჩაფლული კორუფციაში და არსებობს მტკიცებულებები, თუ როგორ იღებდნენ ქრთამს (1000-დან 100 000 ევრომდე), რათა ზეგავლენა მოეხდინათ ადმინისტრაციულ, სამოქალაქო და სისხლის სამართლის საქმეებზე.
გენერალური პროკურორის ედვინას პასილისის თქმით, შეეცდებიან ამ მოსამართლეების მიერ გამოტანილ განაჩენებს გადახედონ.
როგორც ცნობილია დაკავებული მოსამართლეები ქვეყნის უზენაეს და სააპელაციო სასამართლოებში მუშაობდნენ.
„ხელშეუხებლობის დრო დამთავრდა, ყველამ უნდა ისწავლოს ამ მაგალითით“, - გამოეხმაურა აღნიშნულ ფაქტს ლიეტუვის პრემიერ-მინისტრი საულიუს სკვერნელისი.