თარიღი    დრო

"ოსკარის" მთავარი ჯილდოს მიღმა დარჩენილი 15 ლეგენდარული ფილმი| ფოტო

საქართველო, თბილისი - 19:05 02.19.2019 637

ამერიკული კინოაკადემიის უმაღლესი ჯილდოს „ოსკარების“ გადაცემის ცერემონიალი ლოს ანჯელესში, 24 თებერვალს, 91-ედ გაიმართება. იქამდე კი თვალი გადავავლოთ იმ ლეგენდარული ფილმების ჩამონათვალს, რომელთაც მიუხედავად მაყურებლების თუ კინოკრიტიკოსების საყოველთაოდ აღიარებისა, არ ხვდათ წილად პატივი, საუკეთესო ფილმის ნომინაციაში მიეღოთ კინოაკადემიის ოქროთი დაფერილი ჯილდო.

Metacritic-მა შეადგინა ამერიკის კინოაკადემიისგან „დაჩაგრული“ ფილმების რეიტინგი, რომელთაგან 15 ყველაზე შთამბეჭდავ ფილმს წარმოგიდგენთ. აღსანიშნავია, რომ ამ ჩამონათვალში ალფრედ ჰიჩკოკის ფილმები ჭარბობს.

  1. ფსიქო (1960), რეჟისორი - ალფრედ ჰიჩკოკი 97/100

დაკავშირებული სურათი

ფილმი დაფუძნებულია ედ გეინის ისტორიაზე. სურათი კომერციულად წარმატებული იყო და ჰიჩკოკის საუკეთესო ნამუშევრად ითვლება. გადაღებებისას ჰიჩკოკმა რამდენიმე შინაარსობრივ და ტექნიკურ ნოვაციას მიმართა. მთავარი გმირი ფილმის პირველ მესამედში იღუპება, ხოლო შხაპის სცენა კინოს ისტორიაში ყველაზე ხშირად განხილულ სცენად იქცა. ოსკარზე, რეჟისორის ერთ-ერთი პირველი სურათი რამდენიმე ნომინაციაზე წარადგინეს, თუმცა საუკეთესო ფილმის კატეგორიაში არ განუხილავთ. „ფსიქო“ რეჟისორის ყველა დროის საუკეთესო ფილმადაა მიჩნეული.

  1. ჯაზში მხოლოდ ქალიშვილები არიან (1959), რეჟისორი - ბილი უაილდერი 97/100

დაკავშირებული სურათი

„ჯაზში მხოლოდ ქალიშვილები არიან“, იგივე „ზოგიერთს ეს ცხელი უყვარს“ ბილი უაილდერის კომედიური ჟანრის ფილმია. მთავარ როლებს ასრულებენ მერილინ მონრო, ტონი კერტისი და ჯეკ ლემონი. საბჭოთა კავშირში ფილმი გაქირავებაში გამოვიდა სახელწოდებით „ჯაზში მხოლოდ ქალიშვილები არიან“. ოსკარი მიიღო საუკეთესო კოსტუმების დიზაინისთვის და საუკეთესო მსახიობი მამაკაცის კატეგორიაში.

  1. 4 თვე, 3 კვირა და 2 დღე (2007), რეჟისორი - კრისტიან მუნჯუ 97/100

დაკავშირებული სურათი

ფილმში მოქმედება მიმდინარეობს 1987 წელს, რუმინეთში, ნიკოლაი ჩაუშესკუს მმართველობის ბოლო წლებში. მთავარი გმირი ქალები არიან უნივერსიტეტის მეგობრები, რომელთაგან ერთ-ერთი ფეხმძიმედაა და არალეგალური აბორტის გაკეთებას გადაწყვეტს. ფილმს მიღებული აქვს „ოქროს პალმის რტო“ კანის კინოფესტივალზე, თუმცა ოსკარის კინოაკადემიას, 2007 წელს, ფილმი არცერთ კატეგორიაში განუხილავს.

  1. მესამე კაცი (1949), რეჟისორი - ქეროლ რიდი 97/100

The Third Man-ის სურათის შედეგი

ამერიკელი იაფფასიანი რომანების ავტორი მეორე მსოფლიო ომის შემდეგ ვენაში ჩადის და აღმოაჩენს, რომ მისი მეგობარი საიდუმლო ვითარებაშია მოკლული. საიდუმლოს ამოხსნის მცდელობა მას ჩაითრევს თავისი მეგობრის საქმიანობაში შავ ბაზარზე, საერთაშორისო პოლიციასთან და ჩეხ მეგობარ გოგოსთან ერთად. ფილმი ოსკარზე სამ ნომინაციაში წარადგინეს, რომლიდანაც მხოლოდ ერთში, საუკეთესო შავ-თეთრი ფილმის კატეგორიაში  გაიმარჯვა.

  1. კალათბურთზე ოცნება (1994), რეჟისორი - სტივ ჯეიმსი 98/100

Hoop Dreams-ის სურათის შედეგი

ნამდვილი ამბავის მიხედვით გადაღებული დოკუმენტური ფილმი მოგვითხრობს ჩიკაგოს ორ მკვიდრზე, რომლებიც ოცნებობენ, რომ კალათბურთის ვარსკვლავები გახდნენ.  ფილმი ოსკარზე არა თუ საუკეთესო სურათის, არამედ საუკეთესო დოკუმენტური ფილმის კატეგორიაშიც კი არ შესულა. ამ ფილმს, ოსკარის ყველა დროის ყველაზე დაჩაგრულ ფილმად მიიჩნევენ.

  1. ჩრდილოეთისკენ, ჩრდილო-დასავლეთიდან (1959), რეჟისორი - ჰიჩკოკი 98/100

დაკავშირებული სურათი

ერთ დღეს, წარმატებული სარეკლამო აგენტი როჯერ ტორნჰილი შეცდომით დაზვერვის აგენტი კეპლანი ჰგონიათ, რომელსაც სახეზე არავინ იცნობს და ყველას მისი მოკვლა სურს. თავზარდაცემული როჯერი გაქცევას ცდილობს. ფილმი ოსკარზე წარდგენილი იყო 4 კატეგორაიში, თუმცა არა საუკეთესო ფილმის კატეგორიაში.

  1. ფავნის ლაბირინთი (2006) რეჟისორი - გილერმო დელ ტორო 98/100

Pan's Labyrinth-ის სურათის შედეგი

ამ გენიალური ფილმის მოქმედება ვითარდება მეორე მსოფლიო ომის პერიოდში. მთავარი გმირი პატარა გოგონა ოფელიაა, რომლისთვისაც წიგნები და ზღაპრები ცხოვრების ნაწილია. ერთ დღეს იგი აღმოაჩენს, რომ ჯადოსნური სამყარო რეალურია. გოგონა ნახავს, რომ ის სხვა სამყაროში პრინცესაა. ოფელია დესპოტი გენერლის გერია. ფილმი ოსკარის 6 ნომინაციაზე წარადგინეს, აქედან სამში გაიმარჯვა. თუმცა რეჟისორის სურათი ვერ მოხვდა ოსკარის საუკეთესო ფილმების ნომინაციაში.

  1. დამბო (1941) რეჟისორი - უოლტ დისნეი 98/100

დაკავშირებული სურათი

Walt Disney Productions-ის 1941 წლის სრულმეტრაჟიანი ანიმაციური ფილმი.  სიუჟეტი ეფუძნება მწერალ ჰელენ ებერსონის და მხატვარ ჰაროლდ პერლის ამბავს, რომელიც შეიქმნა თამაშის პროტოტიპის სახით. მთავარი პერსონაჟი ჯამბო უმცროსია, ნახევრად-ანთროპომორფული სპლიყვი, რომელსაც დაცინვით უწოდებენ „დამბოს“. მას ძირითადად დასცინიან დიდი ყურების გამო, თუმცა სინამდვილეში შეუძლია ფრენა, თუკი მათ გამოიყენებს, როგორც ფრთებს. კლასიკად ქცეული „დამბო“ კანისა და ოსკარის კინოფესტივალების გამარჯვებულია, თუმცა არა საუკეთესო სურათის კატეგორიაში.

  1. ბოროტების ბეჭედი (1958) რეჟისორი - ორსონ უელსი 99/100

Touch of Evil-ის სურათის შედეგი

უცნაური, შემზარავი ამბავი , მკვლელობის, გატაცებისა და პოლიციელთა კორუფციის შესახებ, მექსიკის სასაზღვრო ქალაქში. რეჟისორის ეს შედევრი ოსკარის ყველა ნომინაციას გამოაკლდა.

  1. პინოქიო (1940) რეჟისორი - უოლტ დისნეი 99/100

Pinocchio 1940-ის სურათის შედეგი

სიუჟეტის მიხედვით, ოსტატი ამზადებს თოჯინას, რომელსაც პინოქიოს უწოდებს. მას აცოცხლებს ლურჯი ფერია და ჰპირდება, რომ გადააქცევს ნამდვილ ბიჭუნას, თუ ის იქნება გულადი და სამართლიანი. ამით იწყება პინოქიოს რთული მოგზაურობა. “პინოქიოს“ ორი ოსკარი აქვს მიღებული, რა თქმა უნდა, არცერთი მათგანი საუკეთესო ფილმის ნომინაციიდან არ ყოფილა.

  1. წვიმაში სიმღერა (1952) რეჟისორი ვიქტორ - ფლემინგი 99/100

Singin' in the Rain-ის სურათის შედეგი

ეს ფილმი ოსკარის დაჯილდოებაზე მხოლოდ ორ კატეგორიაში იყო წარდგენილი. ფილმის გამოსვლიდან რამდენიმე ათეულ წელში, თანამედროვე კრიტიკოსებმა „წვიმაში სიმღერა“ ამერიკის კინოს ისტორიაში საუკეთესო მიუზიკლად დაასახელეს.

  1. ფუჭი დიდება (1946) რეჟისორი - ალფრედ ჰიჩკოკი 100/100

Notorious 1946-ის სურათის შედეგი

„ფუჭი დიდება“ (ინგლ. Notorious) რეჟისორის 1946 წლის ამერიკული შავ-თეთრი ფილმია შპიონაჟზე. ფილმი შეტანილია აშშ-ის კონგრესის ფილმების ეროვნულ რეესტრში. მთავარ როლებს კერი გრანტი და ინგრიდ ბერგმანი ასრულებენ. ჰიჩკოკის რომანტიკული თრილერი ოსკარის დაჯილდოების ორ კატეგორიაში იყო წარდგენილი, თუმცა არა საუკეთესო ფილმის კატეგორიაში.

  1. თავბრუსხვევა (1958) რეჟისორი - ალფრედ ჰიჩკოკი 100/100

Vertigo 1958-ის სურათის შედეგი

ალფრედ ჰიჩკოკის ფსიქოლოგიური თრილერი  გადაღებულია 1958 წელს. მთავარ როლებს ჯეიმზ სტიუარტი და კიმ ნოვაკი ასრულებენ. ფილმს გამოსვლისას დიდი კომერციული წარმატება არ ჰქონია და კრიტიკამ განსხვავებულად შეაფასა, თუმცა დღეს ის ჰიჩკოკის ერთ-ერთ შედევრად მიიჩნევა. „თავბრუსხვევა“ ოსკარის ორ ნომინაციაში   იყო წარდგენილი, თუმცა ვერცერთში გაიმარჯვა.

  1. სამი ფერი: წითელი (1994) რეჟისორი - კშიშტოფ კისლიოვსკი 100/100

Three Colors: Red-ის სურათის შედეგი

კშიშტოფ კისლოვსკის ტრილოგიის მესამე, დასკვნითი ფილმი - წითელი, სიყვარულის შესახებ, რომელიც ხანდახან ადამიანების ბედ-იღბალს განაგებს. ეს ფილმი ოსკარზე საუკეთესო სცენარისა და საუკეთესო კინემატოგრაფიისთვის იყო წარდგენილი.

  1. ფანჯარა ეზოს მხარეს (1954) რეჟისორი - ალფრედ ჰიჩკოკი 100/100

Rear Window-ის სურათის შედეგი

ფოტოგრაფმა ჯეფ ჯეფრიზმა ფეხი მოიტეხა და იძულებულია სახლში იყოს. ის თავს იმით ირთობს, რომ შიდა ეზოში გამავალი ფანჯრიდან მეზობლების ყოველდღიურ ცხოვრებას უთვალთვალებს. ერთ-ერთი მეზობლის საეჭვო ქცევას ჯეფი მიჰყავს დასკვნამდე, რომ მან შესაძლოა ცოლი მოკლა. ჯეფი სახლიდან გაუსვლელად იწყებს გამოძიებას, რაშიც შეყვარებული ეხმარება. ფილმი ოსკარის 4 კატეგორიაში იყო ნომინირებული: საუკეთესო რეჟისურა, სცენარი, კინემატოგრაფია და ხმა.

არ არის გასაკვირი, რომ ალფრედ ჰიჩკოკის ფილმი სიის სათავეში აღმოჩნდა. ლეგენდარული რეჟისორი ოსკარის დაჯილდოებაზე 5 ჯერ იყო ნომინირებული საუკეთესო რეჟისორის კატეგორიაში, თუმცა ვერცერთხელ გაიმარჯვა. აკადემიამ საპატიო ოსკარი ლეგენდარულ რეჟისორს 1968 წელს გადასცა.




konfliqtebi

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)

20:05 ტოიოტა ცენტრ თეგეტაში ახალი თაობის RAV 4-ის და Corolla-ს პრეზენტაცია გაიმართა

12:13 ფინკა ბანკი სრულად იცავს SMART კამპანიის პრინციპების მიხედვით მომხმარებელთა უფლებებს

12:00 საგაზაფხულო აქციები „გორგიაში“ - გაიგეთ, თუ რა აქციებს გთავაზობთ ყველაზე იაფი სამშენებლო-სარემონტო ჰიპერმარკეტი საქართველოში

11:10 საქართველოს ბანკი ქალების ბიზნესში მხარდაჭერას განაგრძობს

17:00 იჩქარეთ! აქცია განახლებული პირობებით იპოთეკურ სესხებზე ლარში ბაზისბანკისგან

13:57 თიბისი ლიზინგის ახალი პროდუქტი - ჩააბარე ძველი და გაიყვანე ახალი ავტომობილი

13:10 Global Finance-მა თიბისი ბანკი საქართველოში 2019 წლის საუკეთესო ბანკად აღიარა

12:39 უძრავი ქონების ახალი ციფრული პლატფორმის ბეტა ვერსია უკვე ყველასთვის ხელმისაწვდომია



arqivi


ბოლო სამი წლის განმავლობაში თქვენი პირადი შემოსავლები
გაიზარდა 84.8%
შემცირდა 12.2%
არ შეცვლილა 3%